Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Cakaj nxjerr dy përfundime nga vizita e Donald Tusk në Tiranë

Politiko 18 Shtator 2019, 07:32
Cakaj nxjerr dy përfundime nga vizita e Donald Tusk në Tiranë

Ministri i Jashtëm në detyrë, Gent Cakaj ka dalë në dy përfundime pas vizitës së djeshme në Tiranë, të Presidentit të Këshillit Evropian, Donald Tusk.

Sipas Cakajt, vizita e tij ka një domethënie të veçantë para vendimit të tetorit për çeljen e negociatave për anëtarësim në BE.

“Nënvizimi i dy çështjeve është me rëndësi:

Së pari, Presidenti i Këshillit sot ka bërë edhe njëherë të qartë se Shqipëria ka përmbushur të gjitha kushtet e nevojshme për të filluar procesin e bisedimeve për anëtarësim.

Së dyti, Presidenti i Këshillit nga Tirana sot i ka dërguar një mesazh të qartë të gjitha vendeve anëtare për nevojën për të lëvizur përpara në procesin e zgjerimit të BE-së duke i dhënë dritën jeshile Shqipërisë për çeljen e negociatave për anëtarësim.

Ne presim që vendet anëtare të BE-së të vendosin bazuar në rekomandimet pozitive të Komisionit Evropian për çeljen e negociatave në tetor.

Ky vendim është thelbësor për të shpërblyer të arriturat e Shqipërisë në procesin e integrimit evropian dhe për të zhvilluar tutje besueshmërinë në politikat e zgjerimit të BE-së në përgjithësi”, shkruan Cakaj në rrjetet sociale pas takimit edhe me kryeministrin Rama.

Krahasimi i qëndrimeve për negociatat, Tusk diferencon Shkupin nga Tirana

Të fundit