Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Çështja e Unazës së Re; Gjykata dënon Tabakun për "shpifje" ndaj Veliajt

Politiko 16 Qershor 2020, 15:42

Çështja e Unazës së Re; Gjykata dënon Tabakun

Kreu i Bashkisë së Tiranës Erion Veliaj fiton gjyqin me ish-deputeten e PD-së, Jorida Tabakun për çështjen e Unazës së Re. Përmes një vendimi të dhënë ditën e sotme, Gjykata e Tiranës dënoi ish-deputeten Jorida Tabaku me 500 mijë lekë gjobë për shpifje ndaj kryebashkiakut Veliaj. Tabaku, gjithashtu, duhet të paguajë dhe shpenzimet gjyqësore dhe ato avokatore dhe të përgënjeshtërojë deklaratat ndaj Veliajt.

Veliaj e paditi Tabakun për shpifje, pas deklaratave të saj nga selia e PD-së redruar çështjes së Unazës së Re, projektin e të cilës ajo e cilësonte si një “projekt korruptiv të Veliajt dhe Ramës”, duke i akuzuar ata për ndryshimin e planit për përfitime personale.

Vetë Tabaku, në një reagim pas dhënies së vendimit është shprehur se “ky ka qenë një vendim i marrë në kuadrin e presionit politik të bërë ndaj gjyqtarëve që presin të kalojnë vettingun”.

“Ditën e sotme gjykata e shkallës së parë nën presionin e një vettingu që po bëhet gjithnjë e më partiak, siç edhe Komisioni i Venecias e vërtetoi, mori një vendim në kundërshti me provat dhe faktet që tanimë janë botërisht të njohura.

Shqiptarët janë dëshmitarë se si plani për Unazën e Re ishte korruptiv që në gjenezë dhe gjithashtu që qeveria në bashkëpunim me Bashkinë Tiranë kanë ndryshuar planin e kalimit të lumit të Lanës për të favorizuar Edmond Begon. Këto qendrime i kam mbajtur në konferencë për shtyp duke paraqitur prova bindëse, sakaq shqiptarët kanë mësuar tanimë edhe për lidhjen e ngushtë Bego-Balla.

Por sa më shumë e vërteta thërret në veshët e shqiptarëve aq edhe më e madhe është tërsëllima që qeveria e korruptuar dhe kontrolluar nga Mond Begot imponon në sallat e gjykatave. Kush mendon se do të tërhiqemi nga e vërteta duke menduar se na intimidojne me seanca të tilla gjyqësore gabohet. I qendroj plotësisht asaj që kam deklaruar pasi prova të pakundërshtueshme janë themeli i akuzave të ngritura në dy konferencat për shtyp.

Sot banorët janë flakur nga shtepitë e tyre dhe i është hapur rrugë ndertimëve me parà të krimit e të drogës si kudo më Tiranë.

Koha do të tregojë se sa të vërteta kanë qenë vendimet e një gjykate që më së paku iu shmang përgjegjësisë për të gjykuar mbi provat dhe jo sipas pushtetit. Ajo që më gëzon është se ditë më të mira do të vijnë për shqiptarët dhe ditë edhe më të errëta do të jenë për ato që mendojnë se mund ta blejnë të shkuarën dhe të ardhmen me pasuri apo miqësi.

Asnjë hap pas për të denoncuar e treguar te vërtetën. Shqiptarët meritojnë te dinë se kush i qeveris dhe se kush janë miqtë e qeveritarëve me më shumë se një emër”, është shprehur Tabaku.