Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Çfarë thanë figurat kryesore politike kur shkuan të votojnë, Berisha, Rama, Basha, Nishani, Meta

Politiko 25 Qershor 2017, 16:24

Çfarë thanë figurat kryesore politike kur shkuan të

Në orët e para të mëngjesit disa politikanë iu drejtuan kutive të votimit për të shprehur vullnetin e tyre me votë. Kreu i shtetit pasi shprehu vullntetin nëpërmjet votës apeloi shqiptarët që me pjesëmarrjen e tyre të tregojnë se demokracia në vend funksionon.

Bujar Nishani: “Megjithëse demokracia jonë ka sfida të shumta, unë besoj se nëse shqiptarët vendosin që demokracia të funksionojë ajo funksionon. Edhe dita e sotme është një mundësi që shqiptarët të tregojnë që demokracia mund të funksionojë falë vullnetit dhe angazhimit të tyre.”

Ndërkaq kryeministri Edi Rama u shpreh mjaft entuziast menjëherë pas votimit në Surrel.

Edi Rama: “Gëzuar Bajramin dhe qoftë një ditë e bukur kjo për Shqipërinë. Unë jam shumë besimplotë që do të kemi një ditë shumë të bukur.”

Sakaq kryetari i Parlamentit, Ilir Meta u kërkoi qytetarëve që të ndëshkojnë me votë sekserët e së ardhmes së tyre.

Ilir Meta: “Shqiptarët duhet të ndëshkojnë të gjithë ata që dërgojnë sekserë për të blerë të ardhmen e shqiptarëve, të ardhmen e fëmijëve të tyre.”

Lideri demokrat Lulzim Basha shfrytëzoi këtë ditë për të apeluar një pjesëmarrje sa më të madhe në votime.

Lulzim Basha: “Dua tu dërgoj një mesazh çdo shqiptari me të drejtë vote: Mos mungoni në këtë vendimmarrje të madhe, ejani dhe hidheni votën tuaj. Vetëm përmes votës dhe votimit mund të ndryshohet Shqipëria.”

Ndërkohë gazetarja e Ora Neës shkëmbeu edhe batuata me zonjën Kryemadhi dhe vajzën Bora.

Monika Kryemadhi: “E gjetët të papërgatitur. Jemi edhe ne shumë të emocionuar që Bora voton sot për herë të parë.”

Edhe kryebashkiaku i Tiranës, Veliaj ftoi qytetarët për një pjesmarrje në këto votime.

Erjon Veliaj: “Katër minuta në ditën e sotme caktojnë drejtimin e Tiranës, drejtimin e Shqipërisë punët e nisura, reformat që kanë nisur në katër vitet e ardhshme.

Kreu i Lëvizjes Socialiste për Integim, Petrit Vasili e quajti të sotmen ditë të çlirimit nga të gjitha pikëmpamjet.

Petrit Vasili: “Sot është dita e çlirimit nga të gjitha pikëpamjet. Besoj shumë që mençuria e një populli të vjetër si yni që gjithmonë ka bërë diferencën mes gjithë të tjerëve do të bëjë diferencën edhe sot”

Kutisë së votimit ju drejtua edhe ish-kryeministri Sali Bershia, i cili foli për disa raste të blerjes së votës nga socialistët.

Sali Berisha: “Ka pasur raste masive të partisë siçiliste për blerjen e votave, dhe kam informacinet e fundit se po ndodh në Bradashesh, Gostimë e Durrës dhe në një seri vendesh të tjera.”

Ndërsa Jozefina Topalli e cila nuk bën pjesë në listën e kandidatëve për deputet ka preferuar ti shmanget mesazheve politike.

Jozefina Topalli: “Gëzuar festën e Fiter Bajramit, gëzuar të gjithë besimtarëve të Shqipërisë, gëzuar edhe të gjithë emigrantëve shqiptarë. Uroj që ta kalojnë bukur sot me familjet e tyre, duke uruar që të plotësojnë ëndërrat e tyre, të fëmijve dhe të dashurve të tyre. Por në të njëtën kohë lus Zotin të ndihmojnë Shqipërinë dhe shqiptarët.”