Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ç'fshihet pas ligjit special të qeverisë, ish-ministri zbardh shkeljet e ‘anti-KÇK-së’: S’ka lidhje me gjyqtarët dhe prokurorët e korruptuar

Politiko 3 Shkurt 2020, 11:39

Vendimi i qeverisë për të miratuar në mënyrë urgjente me akt normativ ‘ligjin special’ anti-KÇK solli reagime të shumta.

Nën cilësinë e juristit, ish-ministri i Drejtësisë, Eduard Halimi ka shtjelluar për gazetën ‘Panorama’ se ligji i ri i qeverisë ka disa shkelje kushtetuese dhe të drejtat e njeriut, uzurpon kompetencat e SPAK dhe BKH, anashkalon gjykatat dhe prokurorinë dhe të gjitha këto atribute ia jep qeverisë.

Pjesë nga analiza:

E para: Ky akt normativ nuk përbën asnjë risi juridike në kuptimin e masave në luftën kundër korrupsionit, krimit të organizuar dhe terrorizmit. Kjo pasi të gjitha këto masa janë të parashikuara në korpusin ligjor që ka miratuar ndër vite qeveria, e majta dhe e djathta. Pra, të gjitha masat e propozuara në katin normativ gjejnë vend në mënyrë të plotë në këtë legjislacion ekzistues “Kodi Penal, Kodi i procedurës penale, ligji nr 9258, dt 15.07.2004 Për masat kundër financimit të terrorizmit” dhe

“Për parandalimin e pastrimit të parave dhe financimit të terrorizmit”. Dallimi është se këto masa, që ishin parashikuar të bëhen nga Policia Gjyqësore dhe Prokuroria, tani e bën OFL, nën varësi të ministrisë së Brendshme.

E dyta: Mbledh në një dorë gjurmimin dhe hetimin, që qartazi janë të ndara. Gjurmimin e ka policia, kurse hetimin organet e reja të drejtësisë. Ky është edhe shqetësimi i misioneve ndërkombëtare, të cilët kërkuan që zbatimi të kryhen nga SPAK dhe jo nga ministria e brendshme. Pra, ministri i brendshëm thërret në zyrë kreun e SPAK dhe i kërkon llogari.

E treta: Nuk është në përputhje me nenin 101 të Kushtetutës, pasi e lidh nxjerrjen e një akti normativ me një urgjencë, kriter që nuk e përmbushin rastin në fjalë. Në mungesë të Gjykatës Kushtetuese askush nuk e pengon zbatimin e tij.

E katërta, akti normativ nuk ka lidhje me KCK (organizatën e gjyqtarëve dhe prokurorëve të korruptuar), për të cilën ishte folur gjatë.

Kjo nismë është paksa zhgënjyese. Ka për qëllim të luftojë vetëm veprimtarinë terroriste, krimin e organizuar, trafiqet, organizatat kriminale dhe krimet e rënda, qëllim që duket i mirë. Por nisma duket kontradiktore, pasi qeveria kërkon të fusë në burg disa kriminelë të mëdhenj, por ata që janë brenda po dalin jashtë.

Qeveria nuk bën dhe nuk duket se po bën asgjë për prokurorët dhe gjyqtarët e korruptuar të përqendruar në zonat e krimit si Krujë, Kurbin, Lezhë, Fier Vlorë. Ata lirojnë të fortët dhe nuk u hyn asnjë gjemb në këmbë.

E pesta: Bie ndesh me të paktën 6 nene të Kushtetutës, 9 vendime të Gjykatës Kushtetuese, 2 nene të Konventës Evropiane për të drejtat e njeriut,dhe 5 vendime të Gjykatës së Strasburgut.