Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Cilët janë udhëheqësit dhe zyrtarët e lartë botërorë që u infektuan me Covid-19?

Politiko 8 Korrik 2020, 14:04
Cilët janë udhëheqësit dhe zyrtarët e lartë

Virusi i i ri Sars Cov-2 është përhapur me shpejtësi gjatë tetë muajve të fundit, duke prekur çdo kontinent dhe duke shkaktuar deri tani më shumë se 11.7 milionë raste në mbarë botën.

Mes të prekurve nuk u kanë shpëtuar as zyrtarët e lartë të shteteve të ndryshme në botë. “The independent”, ka renditur se cilët janë disa nga liderët botërorë që u infektuan gjatë kësaj kohe nga Covid-19.

Jair Bolsonaro

Presidenti brazilian u konfirmua si mbartës i virusit në 7 korrik.

Si për ironi, Bolsonaro e kishte përshkruar më herët Covid-19 si një "grip të vogël”.

Boris Johnson

Kryeministri britanik u infektua gati në të njëjtën kohë me sekretarin e shëndetësisë Matt Hancock dhe disa javë pas ministrin Nadine Dorries. Ai u detyrua të dorëzonte detyrat e tij te Dominic Raab pasi ai u shtrua në spital dhe qëndroi për disa ditë në kujdes intensiv.

Michel Barnier

Shefi i BE-së për negociatat Brexit, Michel Barnier doli pozitiv në 19 mars, kur bisedimet midis Brukselit dhe Londrës ishin shtyrë tashmë për shkak të virusit. Ai u kthye në postin e tij një muaj më vonë.

Iraj Harirchi

Zëvendësministri i shëndetësisë i Iranit ishte një nga figurat e para në skenën botërore që u infektua, një vend që u rendit si më të godituta nga covid-19 në botë.

Pierre Nkurunziza

Presidenti i Burundi ndërroi jetë në fillim të qershorit, por ngjarja u shoqërua me dilema sa i takon shkakut të vdekjes.

Ndërsa qeveria konfirmoi zyrtarisht se vdekja e tij lidhej me një sulm në zemër, raporte të shumta nga diplomatët dhe burimet mjekësore kanë pretenduar se ai ishte i infektuar me virusin covid-19.

Rand Paul

Ligjvënësi republikan ishte senatori i parë i infektuar me virus, i cili bëri që senatorët Ted Cru, Rick Scott dhe Lindsey Graham, të karantinonin pasi kishin qenë në kontakt me ata që dolën pozitivë.

Peter Dutton

Ministri Australian i Punëve të Brendshme doli pozitiv pas kthimit nga SH.B.A., ku ai ishte fotografuar me një numër figurash të profilit të lartë, përfshirë Ivanka Trump.

Sophie Grégoire Trudeau

Gruaja e Justin Trudeau u konfirmua pozitive në mes të marsit, duke bërë që lideri kanadez të karantinohej bashkë me të dhe të drejtonte vendin nga shtëpia e tij.

Princi Albert II i Monakos

Ai u konfirmua si i infektuar në mes të marsit, por mjekët thanë se ai ishte shëruar plotësisht deri në 1 Prill.

Të fundit