Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Cirku i qeverisë“ përsëri në fshat

Politiko 12 Nëntor 2017, 19:08

Naum Mara

Ka një ide-vendim të kryeministrit Rama, që mbledhjet e qeverisë, një herë në muaj, të bëhen në një nga qarqet e vendit. Brenda një viti, qeveria do i prekë të gjitha qarqet e Shqipërisë me mbledhjet e saj. Rastësisht ka 12 qarqe, po aq sa ka edhe muaj viti. Pothuajse edhe i njëjti numwr ministrash përreth Timonierit.

(Ka një lloj rastësie edhe me numrin e antarëve të Byrosë Politike, të cilët për disa dekada ishin 13, përfshirë këtu edhe Komandantin, por lojrat me 12 dhe 13 kanë mbi dy mijë vjet, që ndodhin në politikën botërore dhe as Komandanti dhe as Timonieri nuk mund të cilësohen si origjinalë.)

Por, le të dalim nga simbolika e numurave dhe të shohim realisht, se çfarë bëhet dhe përse bëhet shfaqja e Cirkut në Dibër me aktor kryesor Kryeministrin me brekushe, të shoqëruar nga ish-ministri shumë i përfolur Beqja, ky i veshur me tuta.

Shpallet projekti fitues i Rrugës së Arbrit, dëgjohen qytetarët rreth Buxhetit të vitit 2018 dhe bëhet një vizitë në një familje fshatare.

Pra, pak a shumë, shfaqja e Dibrës është një dhuratë për spektatorët, pastaj një pjesë ku spektatorët ftohen në arenë dhe ju mbushet mendja se janë edhe vetë “akrobatë“, dhe në fund një vizitë në shtëpinë e një spektatori, për t’i treguar se “artistët janë njësh me popullin”.

E gjithë shfaqja realizohet me paratë e spektatorëve të lumtur.

Po përse duhen këto lëvizje të Qeverisë një herë në muaj, që kanë jo pak peshë në buxhetin e saj, me dreka, darka, hotele?

Kryeministri Rama bën atë gjë që di të bëjë më mirë.

Fushatën e vazhdueshme elektorale, të cilës duhet thënë se ja ka marrë dorën më mirë se gjithë rivalët e tij.

Ai e ka vështirë të qeverisë, për shkak të formimit të tij të pamjaftueshëm ekonomik, për shkak të ideve që i variojnë nga e majta ekstreme në një të djathtë liberale dhe për shkak të skandaleve që nuk i reshtin.

Ndaj zgjidhja më e mirë “për të ndryshuar muhabetin’ edhe me ndjekësit në facebook është të “dalë turne me trupën në fshat”.

Ky lloj populizmi në masat e gjëra është dyfish i dëmshëm.

Në radhë të parë, njerëzit e ardhur nga një sisitem totalitar ende nuk arrijnë të kuptojnë se cili është në sistemin e ri raporti i individit me shtetin.

E dyta, një lloj i tillë drejtimi i shtetit “gju më gju me popullin” kërkon premtime për dhurata të reja në infrastrukturë , të cilat detyrimisht do sjellin taksa të reja në kurriz të bizneseve të mëdha e të vogla. Si rrjedhim, kostoja e “Cirkut në fshat” do rëndojë gjithnjë e më shumë në kurriz të taksapaguesve.

Por, qëndrimi në krye të vendit për Edi Ramën duhet bërë me çdo lloj çmimi, ndaj dhe ai do vazhdojë me shfaqjet e tij.

Deri sa ta kuptojnë të gjithë, që nuk është klloun part-time, por i vërtetë dhe i rrezikshëm, si ai i Stephen King.