Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Çollaku sugjeron: SPAK të hetojë ambasadorët e huaj, zotërojnë pasuri marramendëse

Politiko 22 Korrik 2019, 19:20

Çollaku sugjeron: SPAK të hetojë ambasadorët e huaj,

Basir Çollaku është një ndër gazetarët që ka komentuar shpesh strukturën e re që do të hetojë politikanët e lartë, SPAK-u. Në thelb, Çollaku është skeptik për suksesin që do të ketë, edhe pse përpiqet t’i ushqëjë vetës shpresa.

Në një analizë në Facebook me titullin: “SPAK-u, nis aty ku mbarojnë por***t me rigon”, shkruan se “kjo strukturë në një farë mënyre më fort ngjan si një instrument për projekte rajonale dhe globale, ku guximtarët duhet të heshtin se SPAKU të thërret”.

“Madje të shohim dhe ndonjë ndërkombëtar së paku “non grata” se arrestimet janë telash diplomatik, sepse kanë përlarë e përfituar të paimagjinueshmen. Asnjëri prej tyre se ka bërë për shpirt të gjyshit apo të ngatërrojë hallën me xhajën dhe dajën”, përfundon ai.

Statusi i plotë:

SPAKU nis aty ku mbarojnë pordhët me rigon

KLP-ja përzgjodhi 15 prokurorë me prioritet për të qenë bërthama e parë e SPAK, ndonëse pikëzimi është një novelë më vete për nga mënyra e fasonerisë se si ka funksionuar. Të mbeturit në zgrip ose jashtë 15-shes do të jenë sërish me vendime KLP prokurorë të thjeshtë nëpër rrethe, atje ku e meritojnë sipas mëkatit.

Të mbetur në periferi ishin këtë herë Besim Hajdarmataj, Donika Prela, Dritan Prençi e Vladimir Mara. Duke lënë mënjanë Donika Prelën tre prokuroët e tjerë, megjithë ngërçet kanë pasur dosjet më të rënda me peshë politike. Tahirin, 339, dhe kanë firmosur jo pak. Këta nuk janë sepse mundeshin. Të tjerë më shumë se gjysma e atyre që janë në rradhe nuk kanë firmosur asgjë dhe mos kini shpresë se do të bëjnë ndonjë gjë. Sepse janë borxhlinj. Jo thjesht nga vetting, se më vetë mundeshin edhe të kalonin. Por sepse kanë hyrë në borxhe të reja. Kanë fshehur ose janë dakordësuar për ndonjë hall dhe tani janë gati të kthejnë kusuret.

Festa për SPAK është një hibrid diplomatik dhe muzikor, sepse duhej së paku të kishte në këtë ditë nga donatorët e mëdhenj ndërkombëtarë, emra të politikanëve të arrestuar, ku ndërkombëtarët na lajmëruan fort herë se do ndodhë patjetër. Sepse po ju kujtoj një rast sa komik, tragjik, por edhe domethënës. Kur në një nga motet e punës ILKPD, përfshiu në shortin e filtrimit të pasurisë Edi Ramën, kryetar partie dhe Bashkie, ende i pabërë kryeministër, ish- Ambasadori Amerikan John Ëithers ka ulëritur ndaj ekspertëve e drejtuesve të ILKPD, përse e përfshinë Ramën në listën e hetimit. Nuk duhet të jetë, atë e di unë se unë jam numri një ktu…Ka befasuar kedo ndodhej aty.

Ndërkohë përzgjedhjen e bëntë programi, që ishte i gjithi investim i USAID, tërësisht kontroll amerikan. Drejtues të USAID aso kohe u përfshinë në këtë incident serioz duke u thënë ILKPD se ambasadori nuk ka të drejtë dhe ne jemi me ju, sepse keni respektuar procedurën. Madje këtë ngjarje dhe shqetësim do ta përcjellim në DASH.

Histori të tilla që unë mund të di, ka mjaft dhe plot… Ndaj kjo strukturë në një farë mënyre më fort ngjan si një instrument për projekte rajonale dhe globale, ku guximtarët duhet të heshtin se SPAKU të thërret.

Vijmë te Pyetja 1 milionë dollarëshe ?

Cili prej të 15 spakistëve ka kurajon profesionale pa asnjë paragjykim, frikë apo borxh, të firmosë urdhër-arreste për Edi Ramën, Ilir Metën, Sali Berishën, Monika Kryemadhin, Lulzim Bashën, Fatos Nanon,Guvernatorë të Bankës së Shqipërisë, Prokurorët e Përgjithshëm, krerët e gjykatave Kushtetuese dhe asaj të Lartë, kupolën drejtuese të sistemit të drejtësisë dhe një turrë ministrash e deputetesh të të gjitha qeverive. Sepse këta janë përgjegjësit për atë çka është bërë dhe nuk është bërë, çka është vjedhur, grabitur, apo mbetur ende pa plaçkitur.??!

Madje të shohim dhe ndonjë ndërkombëtar së paku “non grata” se arrestimet janë telash diplomatik, sepse kanë përlarë e përfituar të paimagjinueshmen. Asnjëri prej tyre se ka bërë për shpirt të gjyshit apo të ngatërrojë hallën me xhajën dhe dajën. Njëherëh të firmosin sekuestro pasurish, ngrirje llogarish, brenda dhe jashtë vendit. Kthim të këtyre pasurive e llogarive në buxhetin e shtetit, rikthim shërbimesh e investimesh me këto pasuri marramendëse.

E bëjnë dot? Ata e dinë! Nëse po, shqiptarët do ju jenë mirënjohës sepse kanë bërë dicka për vendin. Nëse jo. Nëse filllojnë e përpëliten, kemi familje, kemi fëmijë, përse ne do çlirojmë Shqipërinë, atëherë në të sëmës.

Thjesht kemi ca rrogtarë më tepër, ca kurbanë të dorës së dytë e të tretë të përkohshëm.

Dosjet nuk mungojnë.

Burrat dhe gratë që kanë marrë përsipër ta bëjnë duhet të japin mesazhet se e bëjnë.

SPAKU nis këtu! Të tjerat janë thjesht pordhë me rigon…