Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Covid-19/ Basha “publikon” faturën para Ramës: 60 milionë euro mjaftojnë për dy muaj

Politiko 18 Mars 2020, 21:09

Covid-19/ Basha “publikon” faturën para Ramës: 60

Në një lidhje direkte për studion e lajmeve në Neës 24, kreu i PD Lulzim Basha u shpreh se “nuk bëj aludim për një debat politik”, referuar polemikave mes tij dhe Kryeministrit Rama për masat kundër koronavirusit. Basha tha se e vetmja çështje që e preokupon atë dhe opozitën “është shëndeti dhe siguria e qytetarëve”. Sipas tij gjatë kësaj periudhe PD është fokusuar në dy drejtime kryesore: “Shëndetin që nis me personelin shëndetësor, ku siguria e tyre është kyçe për të garantuar sigurinë e popullsisë. Mbrojtja e tyre është shumë e rëndësishme për mbrojtjen e të gjithëve pastaj. Komponenti i dytë është ekonomia për të zbutur sado pak pasojat në menaxhimin e ekonomisë”.

Ndërkohë, kryedemokrati shprehet se është pro mbylljes së disa indrustrive, si fasone apo call center, nëse ato vlerësohen nga ekspertët se “distancimi social është i pamundur”. “Qendrimin tonë e kemi shprehur. Ne besojmë se ato ndërmarrje ku distancimi social është i pamundur apo i vështirë, duhet të procedohet me mbylljen e tyre. Ky nuk është vetëm konkluzion i ekspertëve tanë, por është edhe një kërkesë e përfaqësuesve të këtyre bizneseve, me të cilët kam qenë në kontakt gjatë gjithë kësaj kohe. Me përfaqësues të biznesit fason, call centër, dhomat e tregtisë, ku ka një shqetësim të madh për pamundësinë reale të distancimit social atje. Mbyllja e tyre ka qene një nga kërkesat që ne e kemi mbështetur”, tha Basha.

Opozita ka propozuar një plan ekonomik dhe social me qëllim përballimin e situatës. Paratë, për zbatimin e planit, opozita i gjen te 120 milionë euro koncensione apo PPP. Basha, gjithashtu, bëri dhe një projeksion financiar se sa mund të jetë fatura financiare për Shqipërinë në dy muajt, që supozohet, se do të jenë në krizë. Basha thotë se kjo kosto mund të jetë 50-60 milionë euro.

“Ky është një propozim ynë i kostuar me një kosto prej 25 maksimumi 30 milionë euro në muaj. Pra vetëm kostoja e mbështetjes ekonomike do të shkojë diku tek 45-50 milionë euro në muaj. Ndërkohë që pjesën tjetër të fondeve ne kemi planfikuar dhe kemi kostuar në mbështetje të shtresave në nevojë, të familjeve me të goditur nga kjo fatkeqësi, të moshuarve, familjeve në nevojë ekonomike të atyre që janë pamundësi ekonomike, në veçanti të një komuniteti goxha të madh që i goditi tërmeti dhe janë akoma në çadra dhe për këto mendojmë se shumë prej 50-60 milionë euro do të ishte mëse e mjaftueshme për të përballuar koston në një periudhë mujore. Po të shikoni kjo është një kosto e barabartë me 120 milionë euro që sot janë planifikuar për t`u marrë nga 10 oligarkë dhe një pjesë prej tyre kanë filluar tashmë të marrin pagesat”, shprehet Basha.