Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

COVID-19/ Mjekja dhe gazetarja përloten gjatë transmetimit direkt: Rri në shtëpi, ndihmoni veten dhe ne

Politiko 22 Mars 2020, 19:00
COVID-19/ Mjekja dhe gazetarja përloten gjatë transmetimit direkt: Rri

Mjekët e Spitalit Infektiv prej dy javësh janë duke u përballur me pacientët e sëmurë me koronavirus. Por, veç detyrës për të shpëtuar jetët e pacientëve, mjekët kanë dalë shpesh në ekrane duke dhënë këshilla për qytetarët. Kështu, në një lidhje për edicionin e lajmeve në Report Tv, mjekja Nevila Gjermeni nuk i ka mbajtur dot lotët gjatë momentit që ajo po jepte një mesazh për qytetarët.

"Kur kthehem nga puna dhe shikoj në rrugë njerëz edhe dy bashkë shqetësohem shumë. Mesazhi im është rrini në shtëpi, ndihmoni veten dhe ne, që sakrifica jonë të ketë rendiment. Do ia dalim, thjeshtë durim dhe këmbëngulje. Ju rrini thjeshtë në shtëpi, është përgjegjshmëri personale.

Vetëm kjo është rruga që ndërpresim zinxhirin e infektimit. Nëse nuk bëhet kjo, infektimi shtohet, problemet do të jenë më të mëdha, por ndihma do të jetë e vështirë. Higjiena personale është shumë e rëndësishme gjithashtu" tha mjekja. Me zërin e dridhur, spikerja e lajmeve në Report Tv Migena Sotiri tha se "Nuk i shmangim dot emocione të tilla që na prekin të gjithëve".

Ndërkohë, duke u ndaluar te pacientët, Gjermeni tregoi se cilat janë simptomat e pacientëve që ndodhen në Spitalin Infektiv. "Simptomat fillojnë si grip, kollë, temperaturë, ethe, të vjedha, diarre, vështirësi në frymëmarrje dhe pneumoni. Këto janë ankesat e pacientëve që janë hospitalizuar. Më e rëndësishme nga gjithçka është vetëizolimi, distancimi nga njëri tjetri" përfundoi mjekja.

Të fundit