Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

COVID-19, Rama: Të enjten gati plani financiar. Të zbatojmë masat deri në fund

Politiko 17 Mars 2020, 19:41

COVID-19, Rama: Të enjten gati plani financiar. Të zbatojmë masat

Në një intervistë për Report Tv, Kryeministri Edi Rama u shpreh se të enjten do të jetë fatura e parë financiare nga koronavirusi. Sipas tij, plani financiar do të mbështesë të gjithë ata që nuk kanë punuar për shkak se janë future në vetëkarantinë.

“Nuk jemi një shtëpi e pasur, por për ne si qeveri është adresimi i menjëhershëm me të gjithë peshën e rëndësisë që ka kjo situatë në ekonominë e familjeve shqiptare, i problematikës së tyre ekonomike. Besoj që ditën e enjte ne do të kemi gati planin e përgjithshëm dhe do të kemi gati edhe një faturë të atyre që janë prioritete. Dua t'ua them të gjithëve që më shumë se asnjëherë qysh se jam ulur në këtë detyrë, të gjithë janë familja ime, dhe asgjë që unë do të bëja për familjen time, nuk do t lë pa bërë për atë që sot kanë nevojë për mbështetjen tonë. nuk janë të pakufishme mundësitë tona, por brenda mundësisë do të bëjmë gjithçka", tha Rama.

Në intervistë, Rama la të kuptohet se nuk do të ketë më masa drastike. Ai u shpreh se me rëndësi është të zbatohen masat që janë marrë deri më tani.

“Ajo që ne na duhet të bëjmë është t'i imponojmë këto masa deri në fund., këtu e përsëris për gjithë qytetarët që e kanë të domosdoshme të dalin nga shtëpia për shërbimet bazë, duhet të mos harrojnë se dalja në rrugë nuk është dalja në liri por është vijimi i një sjellje ndryshe nga ajo e zakonshme. Nëse shkojmë në bankë duhet të rrimë në distancën nga njëri-tjetri dhe mundësisht të rrimë në radhë për të mbrojtur veten dhe tjetrin. Nëse shkojmë në dyqan, duhet të rrimë në radhë. Këto janë shumë të vështira sepse forca e zakoneve të krijuara është shumë e madhe, por janë të domosdoshme dhe sfida tani është t'i zbatojmë të gjithë këto masa që në një kohë normale do të dukeshin absurd”, tha Rama.

Ndërkohë, pas reagimit të Dimtir Bushatit një ditë më parë lidhur me faktin se shumë shqiptarë që kanë mbetur jashtë Shqipërisë mund të jenë në kushtet e kalimit të afatit 90-ditor të vizës, Rama tha se ata nuk do të trajtohen sikur kanë shkelur rregullat.

“Janë një mal me halle në çdo shtet. Dhe të gjithë ata që kanë mbetur në anën tjetër të kufirit duhet ta kuptojnë që kanë mbetur si rezultat i fillimit të një lufte, jo se i ka penguar një forcë që qëndron këtu në tokë, nga pikëpamja e një qeverie apo një tjetër. Siç i kemi pezulluar të gjitha afatet për të gjitha proceset burokratike, ashtu edhe vendet e tjera do të bëjnë të njëjtën gjë. Kush për shkak të ndalimit që ka krijuar lufta, sigurisht që nuk do të trajtohet sikur ka shkelur ligjin se kështu ka dashur vetë", tha Rama.

Ndërkohë në Facebook Rama publikoi vendimin ku u kërkohet bankave që të shtyjnë me 3 muaj pagesën e kësteve të kredive. “Sapo e firmosa po ju’a çoj përpara se sa të protokollohet pas pak minutash, të gjithë atyre që kanë një biznes dhe janë në hall me bankat për shkak të luftës”, shkruan Rama.

https://www.facebook.com/edirama.al/photos/a.10151850199621523/10157535728256523/?type=3&theater