Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

COVID-19 shtyn Samitin e Davosit, WEF: Nuk ishte e lehtë! Liderët globalë të mblidhen për të hartuar një strategji rimëkëmbje

Politiko 27 Gusht 2020, 09:38

COVID-19 shtyn Samitin e Davosit, WEF: Nuk ishte e lehtë! Liderët

Takimi vjetor i vitit të ardhshëm i Forumit Ekonomik Botëror (WEF) është shtyrë nga janari i vitit të ardhshëm për në verë, si rezultat i pandemisë së koronavirusit. Organizatorët thonë se ka të ngjarë të zhvillohet në fillim të verës pasi ekspertët thanë se ishte shumë e rrezikshme për tu mbajtur në janar.

Nuk është vendosur ende një datë e qartë se kur ose ku do të zhvillohet evenimenti. Megjithatë, organizatorët bëjnë me dije se detajet do të publikohen "menjëherë pasi të jemi siguruar që të gjitha kushtet janë përmbushur për të garantuar shëndetin dhe sigurinë e pjesëmarrësve tanë dhe komunitetit pritës".

Samiti i Davosit është një ndër takimet që i bashkohet listës së gjatë të eventeve kryesore ekonomike, kulturore dhe sportive të shtyra në Zvicër si rezultat i pandemisë së COVID-19.

Në qershor u njoftua se evenimenti në Davos, me tematikën "Rivendosja e Madhe", do të zhvillohej në Janarë. Organizatorët kishin inskenuar një ngjarje pjesërisht fizike në Davos, me qëllim që të merrnin pjesë sa më pak njerëz që të ishte e mundur, për të evituar shpërhapjen e pandemisë. Ndërkaq pjesa tjetër e pjesëmarrësve, për 400 qytete në mbarë botën, do të merrnin pjesë virtualisht.

"Vendimi nuk u mor me lehtësi, pasi nevoja që liderët globalë të mblidhen për të hartuar një shteg të zakonshëm të rimëkëmbjes dhe formësimin e "Rivendosjes së Madhe" në epokën e post COVID-19 është kaq urgjente", shtoi WEF.

WEF thotë se ky forum kontribuon dhjetëra miliona franga çdo vit si për Davos ashtu edhe për ekonominë zvicerane në tërësi. Shumë hotele dhe restorante mbështeten në fluksin vjetor të pjesëmarrësve të pasur për ‘koleksionimin’ e një pjesë të madhe të të ardhurave të tyre.

Forumi 50-vjeçar, që mbahet çdo vit për disa ditë rresht disa në vendpushimin malor zviceran të Davos, duke tërhequr mijëra pjesëmarrës të profilit të lartë nga e gjithë bota.

WEF erdhi në jetë si Forumi Evropian i Menaxhimit në vitin 1971. Themeluar nga biznesmeni me origjinë gjermane Klaus Schwab, ai ishte krijuar si një pikëtakimi mes udhëheqësve të biznesit evropian me homologët e tyre në Shtetet e Bashkuara dhe të ofronte mënyra për të forcuar lidhjet dhe zgjidhjen e problemeve.

Forumi mori emrin e tij aktual në 1987 pasi zgjeroi horizontet e tij për të siguruar një platformë për gjetjen e zgjidhjeve për mosmarrëveshjet ndërkombëtare. Ndërsa Forumi u rrit në madhësi dhe status në vitet 1990, ai tërhoqi kritika në rritje nga grupe antiglobalizuese, të cilët kritikuan elitizmin dhe interesin e vetë të pjesëmarrësve.