Gjykata për Krime të Rënda ka shtyrë seancën për Saimir Tahirin dhe Jaeld Çelën për në datën 19 shtator. Pas seancës të sotme, Tahiri është pritur nga gazetarët, të cilët i kanë drejtuar disa pyetje. Duke u shprehur i bindur për pafajësinë e tij, Tahiri theksoi se procesi ndaj tij është i montuar politikisht.
“Jo pa shkak kam dhënë dorëheqjen nga mandati. Jo pa shkak kam hezituar t’i përgjigjem akuzave të gënjështërta të prokurorisë. Unë akuzohem që jam pjesë e një grupi të strukturuar kriminal bashkë me disa policë. Ju e patë vetë që kur kam shkuar në detyrë kanë denoncuar me emër dhe mbiemër Habilajn, i kanë denoncuar dhe ky procedim ka nisur nga policët”-deklaroi Tahiri.
Çfarë do bëni nësë dënoheni? Si është puna me një montim që ju flisni gjithë kohën?, ishin pyetjet e një gazetari për ish-ministrin
Tahiri: E ke bërë këtë pyetje si për kafe ç’të të thotë vëllai. Unë do përgjigjem, por po them se nuk i shkoj historisë nëse do dënohem sepse besoj te e vërteta ime, te ajo që patë ju, te drejtësia. Procesi ndaj meje është fallco. Unë besoj aq shumë te drejtësia ime. Nuk kam asnjë shtëpi, asnjë tokë, asnjë makinë”- tha Tahiri.
