Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Dalin e-mailet/ PD kërkesë për shtyrjen e Këshillit Politik, Rama: Të ulemi pa humbur asnjë ditë; Gjiknuri: Konfirmoni praninë sot

Politiko 22 Korrik 2020, 13:05

Dalin e-mailet/ PD kërkesë për shtyrjen e Këshillit Politik,

Opozita e bashkuar i përgjigjet ftesës së kryeministrit Edi Rama, për të marrë pjesë sot në mbledhjen e orës 17.00 në Këshillin Politik.

Ka qene përfaqësuesi i PD, Oerd Bylykbashi, ai i cili i ka dërguar një e-mail Damian Gjiknurit nga PS , ku në emër të opozitës së bashkuar kërkon që takimi të zhvillohet nesër ose të premten, por me një axhendë të ndryshuar.

Po ashtu, opozita kërkon të diskutohet edhe presioni ndaj votuesve e administratës publike.

Letra e zbardhur:

Përshëndetje, opozita e bashkuar ne keshill politik. Në vijim të email-it më poshtë, propozojmë që mbledhja e Këshillit Politik, është e përshtatshme, të zhvillohet të enjten në orën 17:00, ose të premten ora 11:00, sipas kohës tuaj.

Në Rendin e Ditës së mbledhjes siç kemi rënë dakord në Marrëveshjen e 5 Qershorit, duhet të përfshihet vijimi i punës së Këshillit për zbatimin e pikave 11 dhe 12 të saj, ku specifikohet se: “11. Masat shtesë: Këshilli Politik do të vazhdojë të diskutojë në mirëbesim dhe të përpiqet të arrijë zgjidhje të përbashkëta ku dhe kur është e mundur të adresohen rekomandimet kryesore të ODIHR lidhur me:

(1) blerjen e votës; (2) presionin ndaj votuesve dhe administratës publike; (3) keqpërdorimin dhe abuzimin me administratën publike; (4) marrëveshjet e fshehta me grupet kriminale; (5) lirinë dhe sekretin e votës; dhe (6) manipulimin dhe falsifikimin e rezultateve zgjedhore. Në rast të mosprogresit këto propozime NUK do të ndërhyjnë apo vonojnë një marrëveshje dhe kalimin në parlament të masave të dakordësuara në pikat 1-9.

Hyrja në fuqi: Pikat 1, 2, 3, 7, 9, 9, 10 dhe 11 më sipër dhe dy shënimet poshtë do të hyjnë në fuqi për zgjedhjet e ardhshme (parlamentare dhe vendore). Pikat 4, 5 dhe 6 më sipër do të hyjnë në fuqi pas zgjedhjeve të ardhshme zgjedhore dhe parlamentare.”.

Në lidhje me ndryshimin e formatit të përbërjes së Këshillit Politik, nëse ju keni vlerësuar si të përshtatshme zgjerimin e përfaqësuesve të partive politike në Grupin e Punës së Këshillit Politik, atëherë ju bëjmë me dije se Opozita e Bashkuar do të përfaqësohet përveç nesh, edhe nga Sekretari i Përgjithshëm i Partisë Demokratike z. Gazment Bardhi.

Mbetemi në pritje të konfirmimit tuaj! Oerd Bylykbashi-Petrit Vasili.

Sot, kryeministri Rama apeloi sërish opozitën jashtëparlamentare në një reagim në twitter, të marrë pjesë në tryezën e sot të Këshillit Politik, për reflektimet e risive kushtetuese.

“Sot në 17:00 është propozuar nga ana jonë përmes Damian Gjiknurit mbledhja e Këshillit Politik. Përsëris apelin për OP jashtëparlamentare që të mos e bojkotojë Këshillin Politik dhe të vijojmë dialogun tripalësh së bashku me OP parlamentare, për reflektimet e risive kushtetuese!”, shkroi Rama.

Më herët, nënkryetari i LSI, Petrit Vasili ka refuzuar pjesëmarrjen në këtë tryezë të thirrur, pasi sipas tij Rama kërkon të ndryshojë Kushtetutën për 6 ditë dhe se ka vetëm një qëllim, heqjen e koalicioneve.

Reagon Rama

Kryeministri Edi Rama ka reaguar menjëherë pas qëndrimit të opozitës jashtëparlamentare, lidhur me pjesëmarrjen në tryezën e Këshillit Politik sot në orën 17.00 si propozim i PS.

Sipas Ramës, në 30 korrik do të ketë risi kushtetuese mbi të cilat palët duhet të ulen pa humbur asnjë ditë.

“Miqtë opozitës jashtëparlamentarë duhet të mos shohin gishtin kur gishti tregon hënën! Në 30 korrik do të kemi risi kushtetuese mbi të cilat duhet të ulemi pa humbur asnjë ditë. Prandaj të pranojnë realitetin e të mos e kushtëzojnë Këshillin Politik si Kuvendin dikur, se nuk funksionon!”, shkruan Rama.

Përgjigjet Gjiknuri: Kur të doni, por ejani edhe sot

Përfaqësuesi i PS, Damian Gjiknuri i është përgjigjur opozitës jashtëparlamentare lidhur me propozimin që mbledhja e Këshillit Politik të thirrur sot nga PS të zhvillohet nesër ose të premten.

Sipas Gjiknurit, PS është e gatshme të takohet në çdo kohë, por insiston që takimi të mbahet sot në orën 17.00, pasi sipas tij Kuvendi ka një vendimmarrje të rëndësishme në 30 Korrik.

“Të nderuar kolegë

Jemi dakord të takohemi edhe të enjten edhe të premten dhe në çdo kohë që ju e gjykoni të arsyeshme sepse koha është shumë e çmuar në kushtet kur Kuvendi ka një vendimmarrje të rëndësishme në 30 Korrik.

Këtu nuk bëhet fjalë thjesht për çështjet e mbetura po për një çështje shumë konkrete, prandaj edhe njëherë ju lutem të konfirmoni praninë tuaj për sot në orën 17:00 pasi opozita parlamentare e ka konfirmuar ndërkohë.

Duke shpresuar në mirëkuptimin tuaj ju mirëpresim në ora 17:00. Damian Gjiknuri”