Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Debati për anëtarin e dytë, Manja akuza Metës: Interpretimi i presidentit dashakeq, synon bllokimin e Gjykatës Kushtetuese

Politiko 11 Nëntor 2019, 11:31

Debati për anëtarin e dytë, Manja akuza Metës: Interpretimi

Kreu i Komisionit të Ligjeve, Ulsi Manja ka akuzuar presidentin Ilir Meta se me interpretimin e tij për emërimet e kandidatëve në Gjykatën Kushtetuese synon të bllokojë procesin e ngritjes së kësaj gjykate.

Gjatë fjalës në Kuvend, Manja thekson se debati është një konflikt i pastër politik e institucional dhe se radha nuk përcakton veprimin kohor se cili organ vepron i pari, i dytë e i treti, pra presidenti, Kuvendi dhe Gjykata e Lartë.

“Kemi një debat me presidentit në këtë fazë të plotësimit të vakancave. Si përherë na paraqitet si debat kushtetues, por është konflikt i pastër politik e institucional që kur ai e lexon kushtetutën politikisht kur në fakt duhet ishte garant i saj.

Meta duhet të ishte i pari i interesuar që ajo të ishte funksionale se është aleatja e zbatimit të kushtetutës si guri i themelit të parlamentit. Në rastin e GjK, Meta duhet të çlirohet nga mentaliteti i konfliktit politik dhe duhet të plotësojë sa më parë edhe dy vakancat e tjera që janë në procedurë e sipër.

Çfarë thotë Kushtetuta dhe si plotësohen vendet:

Gjykata përbëhet nga 9 anëtar. 1/3 u ripërtërihet mandati cdo tre vjet. Anëtarët përzgjidhen mes kandidatëve të renditur në tri vendet e para nga KED.

Organet e përfshirë për përzgjedhjen janë që tre anëtarë zgjidhen nga presidenti, tre nga kuvendi dhe tre nga Gjykata e Lartë.

Ç’ndodh kur kuvendi e presidenti e Gjykata e Lartë nuk e ushtrojnë këtë kompetencë kushtetuese sipas ligjit.

Kur Kuvendi brenda 30 ditësh kur merr listat nga KED nuk zgjedh njërin nga tre në listë, i pari i renditur i pari është automatikisht i zgjedhur. Të njëjtin përcaktim ligji e ka bërë edhe për presidentin e Gjykatën e Lartë.

Ligjit thotë se nëse brenda 30 ditësh presidenti që ka marrë listat nga KED për vakancat që i takojnë nuk e ushtron këtë të drejtë kandidati i parë në listë emërohet automatikisht.

Presidenti i ka marrë listat nga KED në 8 tetor dy lista. Në njërën ka tre kandidatë për vakancën e parë të datës 7. 2. 2018 dhe në listën e dytë të datës 4.3. 2019 ka marrë listë me 4 kandidatë.

Deri në 7 nëntor, Meta duhet të ushtrojë të drejtën për dekretimin e emërimin dy vakancave, dekretoi besnik Mucin, ndërsa për të dytin në datë 5 nëntor i nis letër Rucit dhe KED: Unë po vetëngri dhe kushtetutën dhe do bëj dekretin e të dyti pas kuvendit, sepse radha i takon Kuvendit.

Radhën e ka përcaktuar Kushtetuta për të shmangur konfliktin institucional mes tre organeve të përfshirë. Se 3 anëtarë përtërihen cdo tre vjet. Radha përcakton kompetencën se kush e ka radhën, por nuk cakton veprimin kohor se cili organ vepron i pari, i dytë e i treti.

Ata e ushtrojnë kompetencën në mënyrë të pavarur nga njëri tjetri. I vetmi kufizim kohor është fati 30 ditor. As nuk ndërpritet, as pezullohet e zgjatet, ndryshe vjen pasoja sipas kushtetutës, kandidati konsiderohet i emëruar.

Radha është përcaktuar edhe për arsye tjetër, a jemi në një situatë normale të përtëritjes së GjK? Jo. Se vetingu e spastroi atë dhe mbeti me një anëtar.

Kam një pyetje për juristët e presidentit: Nëse zbatojmë radhën, në Gjykatën e Lartë që momentalisht nuk e kemi funksionale? I bie të bllokojmë kushtetuesen kushtetuese edhe për një vit tjetër. Arsyetimi i tij është dashakeq se me këtë mënyrë interpretimi synohet bllokimi i GJK”, tha Manja.