Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Debati për kufirin detar, Koloneli Pashaj: ‘Kushtetuesja’ e ka hedhur poshtë përfitimin e 12 miljeve nga cekëtinat shkëmbore

Politiko 1 Shtator 2020, 13:43

Debati për kufirin detar, Koloneli Pashaj: ‘Kushtetuesja’ e ka

Koloneli Myslim Pashaj ka reaguar përsëri për çështjen e kufirit greko-shqiptar në detin Jon. Në një intervistë për gazetën "Panorama", Pashaj ka folur për rëndësinë që kanë cekëtinat shkëmbore në caktimin e vijës kufitare midis dy vendeve.

Sipas tij, vendi ynë duhet të negociojë mbi rolin që duhet të kenë dy mikro ishujt Othonoi e Erikuza që ndodhen në veri të Korfuzit, në përcaktimin e vijës delitiminuese mes dy vendeve.

"Për kushtet speciale, gjeografike, historike në rastin e Shqipërisë dhe Greqisë shfaqen disa veçori , të cilat nuk lejojnë që automatikisht të aplikosh këtë zgjerim të ujërave territorialë pa negociatë dhe pa një marrëveshje".

Sipas kolonelit, kjo ndodh sepse në shtrirjen ekstremale veriperëndimore, në ngushticën e Otrantos dhe vijimit të kanalit të Korfuzit , Republika e Greqisë përfaqësohet me bashkësi ishullore të Korfuzit , ku ishulli Othonoi dhe Erikuza ndodhen përballë dheut kontinental të Republikës së Shqipërisë.

Këtu koloneli shtron pyetjet:

A do të marrë Othonoi të drejtën e plotë që të zgjerohet në 12 milje detare në detin terrotrial apo do të marrë 6 milje, 8 milje etj?

E njëjta gjë vlen edhe për ishullin Erikuza.

Vendimi i Gjykatës kushtetuese të Shqipërisë është i pakapërcyeshëm , kur hodhi poshtë përfitimin e 12 miljeve detare me efekt të plotë të ishujve dhe cekëtinave shkëmbore. Nëse ndodh ky pranim i zgjerimit të miljeve duhet të negociohet midis dy vendeve.

Por në këto negociata qeveria greke duket se nuk e ka mbajtur të fshehtë qëndrimin e saj:

Një ndër aktet e para ku shfaqeshin tendencat ishte deklarimi para sekretarit Stotlenberg botimi i hartës së gjirit të Greqisë në 12 milje detare në krahun perëndimor, ku hapësira detare është e gjerë deri në veri të ishullit Othonoi.

Akti i dytë është botimi i hartës së Korfuzit dhe arkipelagut që ndodhet përballë Shqipërisë ku janë përvijuar kufijtë detarë midis dy vendeve dhe kur dihet se ata nuk ekzistojnë dhe se janë përmbysur nga Gjykata Kushtetuese e Shqipërisë.

Kjo hartë është parë pa vëmendjen për ta interpretuar se çfarë përfaqëson dhe se me anë të saj Greqia fqinje arrin të realizojë objektivat strategjike.

Koloneli Pashaj ka sjellë dhe një pikëpamje interesante duke thënë se si mund të ndikojë kjo marrëveshje në marrëdhëniet me Turqinë?

Sipas kolonelit pavarësisht se çfarë synon Greqia, regjimi detar në detin Egje do të jetë pjesë e agjendës së bisedimeve të ardhshme me Turqinë për regjimin detar në Mesdheun Lindor.

Një nga parimet bazë të së drejtës ndërkombëtare është që marrëveshjet midis shteteve nuk duhet të cenojnë interesat e shteteve të tjera.

Marrëveshja e ardhshme duhet të jetë neutrale lidhur me kundërshtitë, që shtete të ndryshme kanë me njërit-tjetrin në mënyrë që të mos përsëritet gabimi i marrëveshjes së 2009, e cila në thelb ishte ndërhyrje në interesat e palëve të tjera. Gazeta panorama