Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Debati për “Rrugën e Kombit”, deputeti tregon se në xhepin e cilit politikan shkojnë paratë e shqiptarëve

Politiko 25 Mars 2018, 17:40

Debati për “Rrugën e Kombit”, deputeti tregon se në

Taksa e re që pritet të nisë së shpejti zbatim për shqiptarët dhe të gjithë atyre që zgjedhin “Rrugën e Kombit” për të qarkulluar ka shkaktuar shumë debat edhe në radhët e politikës shqiptare.

Deputetët e opozitës, PD dhe LSI janë shprehur kundër kësaj nisme, pasi është cilësuar abuzive. Deri tani parashikohet një taksë prej 5-11.2 euro në varësi të automjeteve.

Sipas Edi Palokës, e gjithë kjo nismë është llogaritur që paratë e përfituara të shkojnë në xhepat e kryeministrit Edi Rama.

“Vetëm në tre muaj ; taksë e re mbi shtëpitë tona, rritje me 50% të çmimit të ujit, pagesë për të parkuar makinën edhe pranë shtëpisë, 10 euro për të kaluar në rrugën e ndërtuar po me taksat tona, biznesit të vogël i fut tvsh...A nuk mjaftonin taksat që rriti katër vitet e para, po rritja e çmimit të energjisë...?

Po ku shkojnë këto para që na merren për ditë nga xhepat ? Janë plot 2 miliard euro më shumë që merren çdo vit nga xhepat tanë, që kur Rama është bërë kryeministër. Ku shkojnë?

A kthehen në investime publike?

Asnjë kilometër rrugë, asnjë shkollë e re, asnjë spital, ambulancë e as autoambulancë e re madje, asnjë ujësjellës apo investim i ri që të paktën të ketë ujë më shumë. Asgjë, absolutisht asgjë.

Po ku shkojnë këto para? Mos vallë për të ndihmuar të pamundurit?

Gati 30 mijë familje u përjashtuan nga kjo qeveri prej ndihmës ekonomike pa llogaritur ata që ju është hequr pensioni i invaliditetit edhe kur janë pa duar e këmbë...

Mos mblidhen që të përdoren për raste fatkeqësie?

Shkodra e përmbytur dhe jo vetëm, është përgjigja edhe për këtë pyetje. Nuk e vendos Rama gjendjen e jashtëzakonshme vetëm sepse kështu do ishte i detyruar me ligj të paguante dëmshpërblime edhe pse është ai shkaktari direkt i përmbytjes së Shkodrës.

Po ku shkojnë paratë tona? Mbase për të ulur borxhin ?

Borxhi ka arritur mbi 83% dhe shteti është në prag falimentimi

Po ku shkojnë pra? Pse na marrin përditë e më shumë...?

Shkojnë vetëm në një vend; në xhepin e Edvin Ramës nëpërmjet PPP me te cilat ai ushqen oligarkët e tij, të cilët pastaj dërgojnë paratë nga xhepat tanë në atë të Ramës.

E në fund , nga gjithë këto para që vjedh e vjedh nga xhepat tanë, nxjerr dhe ato 2 mijë lekshat me të cilat paguan për të blerë votat në zgjedhje.

Po duket se shprehja “Cdo popull meriton qeverinë që ka” për ne është më se e vërtetë... “, shkruan Paloka.