Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Dëbimi i diplomatëve, Moska: Ky hap jomiqësor nuk do të kalojë pa u vënë re, ne do të reagojmë

Politiko 26 Mars 2018, 20:48

Dëbimi i diplomatëve, Moska: Ky hap jomiqësor nuk do të

Ministria e Jashtme e Rusisë ka reaguar pas vendimit të disa shteteve evropiane dhe SHBA-së për të dëbuar disa diplomatë rusë, si pasojë e helmimit të ish-spiunit Sergei Skripal. Edhe Shqipëria i është bashkuar vendimit të Britanisë së Madhe, BE, SHBA dhe Kanadasë, duke shpallur ‘non grata’ dy diplomatë.

Në reagimin e Moskës shprehet protesta e fortë për këtë veprim që konsiderohet një akt jomiqësor dhe që nuk përputhet me objektivat dhe interesat për të zbardhur arsyet dhe për të identifikuar përgjegjësit e incidentit të ndodhur më 4 mars 2018 në Salisbury të Britanisë.

Moska hedh poshtë pretendimet e Londrës se është ajo përgjegjësja për helmimin e ish-spiunit dhe vajzës së tij, ndërkohë që paralajmëron se ky hap i ndërmarrë nga këto vende, nuk do të kalojë pa u vënë re.

Foto/ Mësohen emrat e dy diplomatëve rusë që do të dëbohen nga Tirana

Do dëbohet nga Tirana; kjo është deklarata që atasheu rus bëri një muaj më parë për ushtrinë shqiptare

Reagimi i ministrisë ruse:

Shprehim protestën tonë të fortë lidhur me vendimin e disa vendeve-anëtare të BE-së dhe NATO-s për dëbimin e diplomatëve rusë.

E shohim këtë veprim si një akt jomiqësor i cili nuk përputhet me objektivat dhe interesat për të zbardhur arsyet dhe për të identifikuar përgjegjësit e incidentit të ndodhur më 4 mars 2018 në Salisbury. Ky gjest provokues i solidaritetit famëkeq me Londrën nga ana e këtyre vendeve, të cilët i ndoqën verbërisht autoritetet britanike në të ashtuquajturën “çështje Skripal” dhe as nuk u përpoqën t’i merrnin vesh rrethanat e ngjarjes, përbën vazhdimin e linjës konfrontuese drejt përshkallëzimit të situatës.

Duke ngritur akuza të pathemelta kundër Federatës Ruse në mungesë të shpjegimeve se çfarë ka ndodhur, dhe duke refuzuar një bashkëpunim konkret, autoritetet e Britanisë së Madhe de facto kanë mbajtur një qëndrim të paragjykuar, të njëanshëm dhe hipokrit.

Fjala bëhet për një atentat ndaj jetës së shtetasve rusë në territorin e Britanisë së Madhe. Pala ruse, pavarësisht kërkesave tona të përsëritura ndaj Londrës, ende nuk ka marrë asnjë informacion përkatës. Asnjë të dhënë objektive dhe shteruese nuk kanë as aleatët e Britanisë së Madhe, të cilët po e zbatojnë verbërisht parimin e unitetit euroatlantik në dëm të gjykimit të shëndosh, rregullave të dialogut të qytetëruar ndërshtetëror dhe parimeve të së drejtës ndërkombëtare. Kuptohet vetvetiu se ky hap jomiqësor i ndërmarrë nga grupi i vendeve në fjalë nuk do të kalojë pa u vënë re dhe ne do të reagojmë ndaj tij.