Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Dekreti i Presidentit/ Ish-deputeti i PD: Rama i frikësuar për shpërndarje të parlamentit dhe zgjedhjeve të reja

Politiko 10 Qershor 2019, 11:29

Dekreti i Presidentit/ Ish-deputeti i PD: Rama i frikësuar për

Ish deputeti i PD, Ervin Salianji ka komentuar vendimin e presidentit Ilir Meta për shtyrjen e zgjedhjeve të 30 qershorit, i firmosur sot pas një konference të jashtëzakonshme.

Në një sqarim me 8 pika, Salianji thekson se dekreti i Presidentit ashtu si çdo akt tjetër që pretendohet për kushtetutshmëri, është Gjykata Kushtetuese (aktualisht jo funksionale) i vetmi organi që përcakton antikushtetueshmërinë e një akti!

Po ashtu, ish deputeti nënvijëzon se Rama është në panik për një shpërndarje të mundshme të parlamentit dhe zhvillimin e zgjedhjeve të reja.

Reagimi:

Dekreti i Presidentit ashtu si çdo akt tjetër që pretendohet për kushtetutshmëri ose jo duhet të ankimohet në Gjykatën Kushtetuese, GjK është i vetmi organi që përcakton antikushtetueshmërinë e një akti! Derisa Gjykata të shprehet akti është kushtetues, shembull; Partia Demokratike dhe Aleanca për Teatrin mendojnë se ligji special për të shkatërruar teatrin dhe për të ndërtuar kulla është zhvatje dhe vjedhje, cenim i trashëgimisë etj, ligji është antikushtetues por Gjykatë Kushtetuese nuk ka, dhe ligji formalisht është në fuqi! E njëjta histori me çdo ligj që prek të drejtat dhe liritë e qytetarëve të cilat nuk kanë ku ankimohen!

Shfuqizimi i dekreteve ka praktikë, në jurisprudencë kjo krijon precedent, dy Presidentë kanë shfuqizuar dekretet për mbajtjen e zgjedhjeve!

Shfuqizimi i dekretit dhe marrja e pergjegjesise nga Presidenti i heq alibinë e respektimit të ligjit Ramës, pas shfuqizimit të dekretit doli në dukje qartësisht që Ramës nuk i interesojnë zgjedhje por kapja dhe mbajtja me forcê e pushtetit!

Data dhe dita e zgjedhjeve është dita kur populli zgjedh mes shumë alternativave se kush do të qeverisë dhe jo dita kur pushteti imponon se kush do të vjedhë për 4 vitet e ardhshme! Pse duhen zgjedhje kur ka një kandidat? Në çdo rast edhe sikur të merrte vetëm votën e tij ai do të ishte i zgjedhur sipas ligjit Rama!

Presidenti i Republikës shkarkohet nëse kryen një shkelje të rende te ligjit jo kur ndonjë palë mendon ndryshe, por dhe nëse presidenti do kryente shkelje dhe do të shkarkohej nga parlamenti, ky vendim duhet të shqyrtohej nga Gjykata Kushtetuese qe sot nuk ekziston për rrjedhojë do të ishte vendim nul. Akoma më tej Gjykata nuk mund të konstituohet pa përzgjedhjen e anëtarëve të kësaj gjykate nga Presidenti!!

Rama nuk ka hallin e zgjedhjeve, se shtyrja e dates e shpëton nga pamundësia per ti zhvilluar dhe per tu përballur me popullin, frika deri ne palce e Rames eshte qe parlamenti ilegjitim dhe jokushtetues me me pak se 140 deputete dhe me pamundësinë ligjore per tu plotësuar mund te prodhoje nje shpërndarje te parlamentit dhe zgjedhje te reja!

Gjithë mishmashi institucional, ku gjithë shteti po funksionon si regjim, pa garanci për të drejtat dhe liritë e qytetareve, ku qeveria kapet në korrupsion dhe krim elektoral, ku krimi sundon dhe qeveria i ka nxirë faqen Shqipërisë, në situatën ku qytetarët janë gati për çdo sakrifice për të mbrojtur vendin e tyre dhe për të mos lejuar një shtet autoritar, Qeveria Tranzitore dhe hapja e rrugeës për zgjedhje të reja do të ishte e vetmja rrugëzgjidhje, nuk mund të sakrifikohet shteti dhe qytetarët për interesat personale të një njeriu të vetëm!

Rama sot prirjet autoritariste i ka implementuar, ai kontrollon Kuvendin, Qeverinë, Prokurori dhe Gjykata, Shërbim Informativ, Presidentin e ka zgjedhur Vetë dhe kur nuk i bindet kërcënon për shkarkim, bashkitë kërkon ti marrë me forcë, elitën financiare e krijon me PPP dhe tendera dhe jo me konkurrencë, partitë fasadë, qytetarët që protestojnë arrestohen, çfarë duhet më shumë për të qenë tirani?

Opozita me veprimet e saj dhe me mbështetjen e madhe popullore ka arritur të fitojë betejat, orteku i krijuar nga bashkimi i qytetarëve do të ndalet kur të ketë demontuar plotësisht pushtetin e krimit!