Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Demarkacioni, kryeministri i Malit të Zi i kujton Haradinajt njohjen e Kosovës: Vendimin e morëm edhe pse populli ishte kundër

Politiko 9 Tetor 2017, 20:57
Demarkacioni, kryeministri i Malit të Zi i kujton Haradinajt njohjen e

Mali i Zi, ka sqaruar edhe një herë qëndrimin zyrtar për demarkacionin me Kosovës. Kryeministri i këtij vendi, Dushko Markoviç, ka thënë sot në Ulqin se tema demarkacionit për Podgoricën është çështje e mbyllur.

Në një përgjigje dhënë RTK-së, Markoviç ka thënë se për tre vjet është punuar me Qeverinë e Kosovës dhe janë dakordësuar me vijën e ardhshme kufitare.

Ai shpreson se edhe pala kosovare do ta bëjë pjesën e saj të punës për ta përmbyllur këtë proces.

"Ne besojmë se pala kosovare do të dalë nga kjo situatë, sepse për këtë çështje i ka bërë thirrje  edhe Uashingtonit zyrtar, Komisioni Evropian por edhe ne, pra  Mali i Zi", tha ai.

“Qytetaret e Kosovës kanë të drejtë të fitojnë liberalizimin e vizave dhe Mali i Zi me durimin që ka tregon që qytetarëve të Kosovës ju dëshiron një perspektive dhe tash është përgjegjësia e autoriteteve kosovare dhe qeverisë së Kosovës që t’i lëvizin gjërat“, tha Markoviç.

Ai gjithashtu ftoi qeverinë e Kosovës që të jenë më të guximshëm për marrjen e vendimeve.

"Vendimet e mëdha kërkojnë edhe guxim. Mos harroni kur Mali i Zi mori vendimin për ta pranuar Kosovën, 80% e popullsisë  në Mal te Zi, ka qenë kundër njohjes së vendit tuaj, por ne e morëm  vendimin sepse e dinim se ishte një vendim për të ardhmen...dhe Ky vendim i Qeverisë së Kosovës, është vendim i së ardhmes", tha Markoviç.

Ai po ashtu ka thënë se nuk do ketë arbitrazh për demarkacionin dha ka kujtuar se Mali i Zi nuk do të bëjë asgjë për t`i prishur marrëdhëniet me Kosovën, përkundrazi do të punojë  për t’i forcuar ato.

Të fundit