Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Demokratët i shprehin ngushëllimet familjes së ish-kryebashkiakut të Delvinës, Dhurim Alinani

Politiko 11 Maj 2017, 12:51

Demokratët i shprehin ngushëllimet familjes së ish-kryebashkiakut

Ish-kryetari i Bashkisë Delvinë, Dhurim Alinani, ka ndërruar jetë tragjikisht një ditë më parë si pasojë e një infrakti kardiak teksa drekonte me miqtë e tij në zonën e ‘Ujit të Ftohtë’.

Pas ngjarjes së rëndë mbështetësit e Partisë Demoktike i shprehin ngushëllimet familjarëve për ndarjen e parakohshme nga jeta të Alianit.

Roland Bejko, kreu i Partisë Demokratike Gjirokastër:

"Sot humbëm një mik të mirë, Dhurim Alinanin, familjarin e përkushtuar dhe të dashur me të gjithë. Një qytetar dhe funksionar i devotshëm, serioz, këmbëngulës, kurajoz dhe patriot.

Qytetarët e Delvinës do përcjellin nesër njeriun e parë të qytetit që për 8 vite i besuan manaxhimin e tij.

Na trishtove me ikjen tënde të beftë miku im, të heshtur,të qetë, pa bujë e vuajtje edhe pse ishe i mbushur plot energji.

Ti e doje shumë familjen, miqësitë dhe qytetin tënd modest.

Do t'ju mungosh shumë të gjithëve. Të qoftë dheu i lehtë dhe zoti të pranoftë pranë tij miku im.

I paharuar do të jesh !"

Glori Husi, këshilltari i ish-kryeministrit Sali Berisha:

"Të dashur miq, Me hidhërim të papërshkrueshëm mësova për ndarjen e parakohshme nga jeta të mikut tim të mirë, Dhurim Alinani. Në këto çaste dhimbjeje të jashtëzakonshme, i shpreh familjes ngushëllimet më të ndjera për humbjen e birit të dashur, familjarit të shtrenjtë, prindit të përkushtuar dhe bashkëshortit shembullor. Ndaj me familjen Alinani pikëllimin më të thellë për këtë humbje tragjike. Delvina humbi sot Kryebashkiakun e saj më të devotshëm! Me përkujdesjen e birit të dhimbsur, me dëshirën e ëndërrimtarit idealist dhe me visionin e profesionistit të talentuar, Dhurimi ia dedikoi jetën Delvinës dhe komunitetit të saj të mrekullueshëm. Shqetësohej dhe përkushtohej me një dashamirësi prindërore për hallet e çdo qytetari delvinjot. Tundte muret e zyrave të burokratëve në kryeqytet, për vendin dhe bashkëqytetarët e tij. “E dua Delvinën!” – më thoshte përherë. – “Dua ta shoh të rikthehet në qendrën e kulturës urbane, që pat qenë dikur”. Dhurimi ishte një politikan i lindur, një administrator i shkëlqyer, një zyrtar i palodhur dhe i përgjegjshëm, por mbi të gjitha, një njeri i ndershëm, zemërgjerë e human. Unë humba sot një mik të pazëvendësueshëm, një bashkëpunëtor të rrallë dhe një shok besnik. Ndjehem thellësisht i brengosur që largësia nuk më lejoi t’i ndodhem pranë Dhurimit në çastet e fundit në këtë jetë. I paharruar kujtimin yt, miku im, Dhurim Alinani!"

Dhurim Alinani ka lindur më 11 qershor 1969 dhe ka qenë i diplomuar fillimisht për Ekonomi. Ai ka kryer studimet për drejtësi dhe ka titullin “Avokat“.

Përmes Lëvizjes studentore ai shënoi hapat e para në politikë dhe ka qenë një nga aktivistët politikë demokrat me më shumë mbështetje në zonën e Delvinës.

Më 1993 ka drejtuar degën e Agjencisë Kombëtare të Privatizimit dhe më pas, në vitin 1997 shërbeu si Drejtor i Bankës së Kursimeve në Delvinë. Karierën e tij administrative Durim Alinani e shtriu në pushtetin lokal. Ai ka spikatur si manaxher dhe drejtues i shkëlqyer në cilësin e Nënprefektit të Rrethit Delvinë dhe më vonë në funksionin Kryetar i Bashkisë Delvinë. Pas humbjes në garën e vitit 2015 ai punonte në profesionin e tij si avokat. Dhurim Alinani ka drejtuar prej dy mandatesh bashkinë si përfaqësues i Partisë Demokratike.