Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Denar Biba pranon qasjen e papërshtatshme ndaj gjyqtarit, ish-ministri i PD: Harrove të sqarosh ç’i ofrove në trenin e Ramës

Politiko 30 Gusht 2018, 13:20

Denar Biba pranon qasjen e papërshtatshme ndaj gjyqtarit, ish-ministri i

Nënkryetari i KQZ, Denar Biba konfirmoi qëndrimin e Gjykatës Evropiane për të Drejtat e Njeriut në Strasburg se audio-përgjimi me gjyqtarin, Ledi Bianku është një qasje e papërshtatshme e qeverisë për pronat.

Pikërisht, në këtë pikë u ndal edhe Biba, i cili doli para gazetarëve në një konferencë shtypi. Ai tha se nuk ka ushtruar asnjë ndikim të paligjshëm dhe se i ka kërkuar vetëm asistencë që të ndihmojë shtetin në pranimin e kërkesës për shtyrjen e detyrimit për çështjen e pronave.

“Ledi Bianku e ka konsideruar bisedën me mua një qasje të papërshtatshme. Gjykata pranon referimin e anëtarit të saj për një qasje të papërshtatshme, jo ndikim dhe aq më pak shantazh. U mbars mali e polli një mi.

Më vjen keq që gjykatësi Ledi Bianku nuk e ndau me mua këtë qasje të papërshtatshme”, u shpreh Biba sot.

Ish-ministri teknik i Drejtësisë, Gazmend Bardhi ka reaguar pas deklaratës së Bibës dhe i kujton se qëndrimi i gjykatës nuk nënkupton ashti siç ai deklaroi sot para medias.

“GJEDNJ konfirmon që sjellja e Denar Bibës, me urdhër të Edi Ramës, ndaj gjyqtarit të GJEDNJ-së z. Ledi Bianku, ishte e papërshtashme, ndërsa Denar Biba del para kamerave dhe i thotë shqiptarëve: “GJEDNJ më dha të drejtë, nuk kam ushtruar ndikim të paligjshëm, por takimi ka qenë miqësor”!!!

Madje, guxon dhe shpall edhe vendimin e prokurorisë: “Çështja u zgjidh ligjërisht tha, ska më çfarë të hetohet”

Fiks i njëjti skenar kriminal që zbaton Qeveria në çdo aferë të saj kriminale – Thuaju shqiptarëve të kundërtën e asaj që thonë provat e faktet e pakundërshtueshme, shpalle me nxitim rezultatin që duhet të ketë hetimi i prokurorisë, mbushi mediat me variantin e saj qesharak, dhe më pas lëre prokurorinë të bëjë sikur do të hetojë, derisa çështja të harrohet!

E ndërsa flet, udhëtari i trenit të Ramës, e pranon pa asnjë ndroje: “I kërkova gjyqtarit të na ndihmonte që të pranohej kërkesa e Qeverisë Shqiptare”!

A ka prokurori në këtë vend?

Mjafton ky pohim që sot Denar Biba të mos ishte përpara kamerave, por përpara drejtësisë! Atje ka detyrimin të tregojë kush e urdhëroi të shantazhonte gjyqtarin e GJEDNJ-së”, shkruan Bardhi në reagimin e tij, ndërsa thekson se Biba ka harruar të sqarojë se cila ishte ndihmë që do i ofronte në këmbim qeveria shqiptare.

“Për sqarim: Një gjyqtari nuk mund t’i kërkohet që të “ndihmojë” në pranimin e një kërkese, sepse pikërisht kjo është qasja e papërshtatshme që evidenton GJEDNJ dhe që në ligjin shqiptar njihet si ndikim i paligjshëm. Për efekt të ligjit, nuk ka rëndësi nëse është realizuar ushtrimi i ndikimit ose kanë ardhur apo jo pasojat e dëshiruara. Mjafton paraqitja e kërkesës së papërshtatshme dhe vepra penale është konsumuar.

Qeveria është palë në proceset në GJEDNJ dhe një gjyqtari nuk mund t’i kërkohet të ndihmojë një palë në proces për pranimin e kërkesave të saj, për mosshqyrtimin e çështjeve individuale në gjykatë! Kjo kërkesë e një pale (Qeverisë në këtë rast) shqyrtohet nga GJEDNJ në pavarësi të plotë dhe pa asnjë ndërhyrje. Çdo kërkesë për ndihmë ndaj një gjyqtari, është NDIKIM I PALIGJSHËM.

P.S: Harroi të sqaronte se çfarë i ofroi gjyqtarit në këmbim të “ndihmës” që i kërkoi! Ndoshta një vend në trenin e Edi Ramës?”, shkruan Bardhi.