Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Dënimi i Tahirit rrëzon Ramën dhe zgjedhjet e 25 qershorit

Politiko 6 Prill 2018, 14:40

Dënimi i Tahirit rrëzon Ramën dhe zgjedhjet e 25 qershorit

Gentian Gaba

“Peshqit e mëdhenj” gjejnë drejtësi vetëm te Fevziu, ishte pretendimi i një editoriali të mëparshëm këtu në Politiko. Ambasadori Lu u dorëzua përballë një fakti shumë të qartë, dosjet ose çështjet e mëdha, në Shqipëri, nuk gjejnë drejtësi në sallat e gjyqeve, por në banaqet e televizioneve. Përpara se të largohet nga vendi ynë, z. Lu lëshoi një varg deklaratash që do të kenë efektet e tyre politike edhe pasi vetë ambasadori të ketë lënë rrugën e Elabsanit.

Urimi i vetëm në këtë rast, është që ai të ketë folur si Ambasador i vendit më të fuqishëm në botë, dhe jo si një analist që bën deklarata bombastike për disa klikime në portalet lokale.

Midis emrave të shumtë që Lu përmendi mbrëmë ai i ish-ministrit të Brendshëm, Tahiri peshon më shumë në jetën politike të vendit.

Nga i njëjti emision televiziv në të cilin gjeti “shpëtim” tetorin e shkuar, vetëm tri ditë pasi kishin dalë përgjimet e “kushove të ministrit”; Tahirit iu pre filli i fatit nga Ambasadori amerikan.

“Jemi pranë ndjekjes penale” – tha Lu nga studio e Opinion. Nëse ky qëndrim do të gjejë zbatim në ditët ose muajt në vijim, Rama dhe zgjedhjet e 25 qershorit rrëzohen.

Ndonëse sot, ish-ministri i Brendshëm trajtohet si një renegat nga Rama, gjykimet që presim të bien mbi atë, nuk godasin deputetin e thjeshtë Saimir Tahiri, por përkojnë me momentin maksimal të besimit që ai gëzonte nga Kryeministri dhe detyrat e rëndësishme politike në qeveri dhe në PS.

Nëse Tahiri dënohet, bashkë me atë 'dënohet' edhe Kryeminsitri, për veprimet dhe mosveprimet në ato dy vite në të cilat Shqipëria u shndërrua në një plantacion hashashi nga Vermoshi në Konispol.

Dënimi nuk do të bjerë mbi politikanin e ri që, në mesin e udhës së jetës së tij, u gjend në një pozicion politk më të madh se vetja dhe historia e tij personale. Dënimi do të bjerë si “shpata e Damokleut”, që u ngrit mbi mazhorancën marsin e shkuar, kur Tahiri u largua nga zyra në Ministrinë e Brendshme dhe u emërua koordinator i PS-së në qarkun e Tiranës, për të gjithë ata që lehtësuan ose mbyllën një sy (ose të dy) mbi operacionin më të madh kriminal që vendi kishte njohur ndonjëherë.

Kjo është kronika e një dënimi të paralajmëruar, e cila do të marrë, dhe duhet të marrë përpara, gjithë veprimin e mazhorancës së Ramës në mandatin e parë; dhe, sidomos, mandatin e tij të dytë, i cili lehtësisht do të konsiderohet një “plaçkë” e vjedhur (ose e blerë), pasi eurot që u derdhën si lumë në 25 qershor, dhe që goditën kursin e këmbimit ato ditë, erdhën nga paratë që të rinjtë europianë i shpenzuan për tym dhe tymosën orientimin e zgjedhësve shqiptarë.

Nuk do të ketë retorikë ose propagandë që të shpëtojë Ramën nga përgjegjësitë politike, dhe zgjedhjet e shkuara nga damka e kanabisit.

Nëse pohimet e Lu do të faktohen, mazhoranca (ajo pjesë e saj që ka ende vlera morale) dhe opozita do të jenë përballë disa vendimeve kritike.

Partia Socialiste, për të shpëtuar të ardhmen e saj politike, duhet të gjejë brenda rreshtave kurajon për të dënuar dhe për t’ju larguar këtij turpërimi.

Nëse kjo nuk do të ndodhë, atëherë Opozita duhet të ashpërsojë aksionin nëpërmjet djegies të mandateve.

Akt politik i paraprirë nga një aksion ndërkombëtar, nëpërmjet të cilit Opozita ndërgjegjëson të gjitha kancelaritë e vendeve antare të NATO-s dhe BE-së, për arsyet që e shtyjnë të braktisë rrugën parlamentare.