Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Denoncimi i deputeteve gjermanë: Këto janë tre portalet që zotërohen nga Saimir Tahiri, Endri Fuga dhe Erion Veliaj

Politiko 26 Prill 2018, 17:39

Vizita e kryeministrit Edi Rama në Gjermani mund të konsiderohet plotësisht e dështuar, një dështim që rrezikon t’u kushtojë shqiptarëve hapjen e negociatave. Ndryshe nga sa mund të ishte përgatitur, Rama u përball në Berlin me një situatë shumë të vështirë. Deputetët e fuqisë së Bashkimit Europian ishin të informuar në detaje për çështjen e Saimir Tahirit dhe përfshirjes së krimit të në politikën shqiptare.

Aq të mirinformuar ishin deputetët gjermanë për situatën në vendin tonë saqë i përplasën Ramës në fytyrë edhe emrat e portaleve që kontrollohen nga njerëzit e tij dhe që u përdorën për të sulmuar Gunthter Kirchbaum, kryetar i Komisionit të Bundestagut për Çështjet Evropiane.

Gjatë seancës me deputetët gjermanë, Kirchbaum i ka thënë Ramës se “nga të dhënat tona, portali Lexo.al është nën ndikimin e Endri Fugës, shef i Zyrës së Shtypit të kryeministrit”. Kryetari i Komisionit, i cili kishte përpara një raport me informacione nga struktura gjermane në Tiranë, ka vazhduar t’u vendosë emra portaleve që e kanë sulmuar, duke thënë se Pamflet.al ishte nën ndikimin e Saimir Tahirit dhe Tiranapost.al nën ndikimin e Erion Veliaj.

Ndryshe nga shumë portale serioze në Shqipëri, dy prej këtyre tre portaleve nuk kanë një pronar apo drejtor publik, por ‘shiten’ si media të pavarura të ngritura nga grupe gazetarësh profesionistë.

TiranaPost, portal për të cilin gjermanët thonë se është nën ndikimin e Veliajt, drejtohet nga gazetarja Mira Kazhani, ndërsa portalet e Tahirit dhe Fugës nuk japin asnjë informacion se nga kush drejtohen.

“Lexo.al është një media Online e iniciuar nga një grup profesionistësh të rinj, me vullnetin për të thyer mitin e kastës së vjetër dhe shërbyer publikut”, thuhet në përshkrimin e këtij protali, që gjermanët e konsiderojnë të Endri Fugës, ndërsa Pamfleti i Saimir Tahirit nuk jep asnjë përfshkrim se nga kush drejtohet dhe cili është misioni.

Të fundit