Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Deputeti i opozitës parlamentare: Krimi elektoral duhet ndëshkuar, shkarkimi i Damian Gjiknurit emergjent

Politiko 29 Qershor 2019, 21:13
Deputeti i opozitës parlamentare: Krimi elektoral duhet ndëshkuar,

Deputeti i opozitës në parlament, Alban Zeneli në një deklaratë për mediat komenton procesin zgjedhor dhe atë çfarë do të ndodhë pas zhvillimit të zgjedhjeve në kuvend.

Duke bërë një përmbledhje të vijueshmshërisë të situatës politike në vend, Zeneli thekson se Ilir Meta nuk mund të lejohet më që të vijojë të udhëheqë lëvizjen antizgjedhje në Shqipëri.

Më tej Zeneli ndalet te kërkesa që ka për të luftuar krimin elektoral dhe që e lidh me shkarkim të menjëherë Damian Gjiknuri nga  bashkëkryesimi i Komisionit Parlamentar të Reformës Zgjedhore.

 

Deklarata e plotë e Zenelit

Të dashur miq,

Nesër është data 30 qershor.

30 qershori është ditë zgjedhjesh ndaj u uroj gjithë shqiptarëve një proçes zgjedhor sa më transparent, të qetë e të lirë.

SHBA dhe BE kanë mbështetur fort zhvillimin e këtyre zgjedhjeve.

Fatkeqësisht Opozita i gjymtoi këto zgjedhje me mospjesëmarrjen e saj, ndërsa Edi Rama i ka gjymtuar dhe po i vret përfundimisht këto zgjedhje si delinkuent elektoral recidivist që është.

Asnjë parti politike shqiptare në vendin tonë nuk ka demokraci të brendshme dhe nuk e ka të shenjtë brenda saj as pluralitetin e mendimeve, as lirinë e zgjedhjes, as konkurencën e as shenjtërinë e votës.

Prandaj krimi elektoral duhet të jetë shtysa bazë e nisjes së çdo reforme në Shqipëri.

Po nuk i dhamë përgjigje shqiptarëve duke ndëshkuar krimin elektoral, nuk u japim dot shqiptarëve asnjë reformë e asnjë përgjigje për asgjë.

E ritheksoj, Dekreti Antikushtetues i Presidentit Ilir Meta është pjesë e lëvizjes antizgjedhje dhe përbën krim elektoral.

Ilir Meta nuk mund të lejohet më që të vijojë të udhëheqë lëvizjen antizgjedhje në Shqipëri.

Gjithashtu, nuk mund të tolerojmë që krimet elektotale që janë bërë në të shkuarën sikurse janë edhe pasqyruar  e bërë publike nga përgjimet e mediave vendase e të huaja, nuk mund të lihen e tolerohen pa ndëshkim ligjor, moral dhe politik.

Ripërsëris dhe ritheksoj kërkesën time se asnjë zhvillim parlamentar nuk mund të jetë më normal dhe frytdhënës pa shkarkimin e Damian Gjiknurit nga  bashkëkryesimi i Komisionit Parlamentar të Reformës Zgjedhore.

Reformë Zgjedhore me delinkuentin elektoral Damian Gjiknuri nuk mund të ketë e nuk do të ketë.

Nga ana tjetër, vërehet një trysni e shantazh nga Qeveri Rama ndaj administratës për zgjedhjet e së dielës.

I bëjmë thirrje Kryeministrit Rama dhe Qeverisë së tij, se po mbajmë shënim gjithçka që po ndodh me këto zgjedhje.

Natyra e tyre recidiviste e krimit elektoral nuk do të tolerohet.

Opozita parlamentare nuk do të tolerojë asnjë devijim nga parimet dhe vlerat më të mira të lirisë sipas standarteve europiane dhe perëndimore.

Java që vjen, do të jetë java e ballafaqimit në Kuvend e Opozitës Parlamentare me Qeverinë Delinkuencës Elektorale Recidiviste.

Nuk do të heshtim.

Nuk do të tolerojmë.

Krimi elektoral duhet ndëshkuar.

Alban Zeneli

Deputet i Opozitës Parlamentare.

Të fundit