Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Deputeti i Vlorës shkon në Kukës: Pashë veprimin e shtetit të kapur nga krimi. Shumë media bënë fushatë keqinformuese

Politiko 17 Shtator 2018, 16:33
Deputeti i Vlorës shkon në Kukës: Pashë veprimin e shtetit

Deputeti demokrat i Vlorës Agron Shehaj, ashtu siç lajmëroi dje, ka qenë sot i pranishëm në Kukës. Teksa ka publikuar disa foto në Facebook ku demonstron zbarkimin e policisë në Kukës, Shehaj shprehet se ka parë me sy veprimin e shtetit të kapur nga korrupsioni dhe krimi.

“Dita e sotme tregon se aleanca krim-qeveri-oligarki-media është rrezik për Shqipërinë dhe të ardhmen tonë. Ka vetëm një shpëtim prej saj: shkatërrimi i saj”, shkruan ndër të tjera Shehaj.

Reagimi i deputetit të Vlorës Agron Shehaj:

I gjithë aparati policor dhe shtetëror ishte rreshtuar sot kundër qytetarëve dhe në mbrojtje të vjedhjes përmes koncesionit korruptiv të Rrugës së Kombit. Gjithë natën mbrëmë dhe gjithë ditën sot forcat e policisë kanë bërë demonstrim force dhe terror psikologjik ndaj qytetarëve për t’i ndaluar ata të protestojnë. Ndërkohë, mediat kanë heshtur pothuajse të gjitha, ndërsa shumë prej tyre u angazhuan në fushata keqinformuese.

Megjithatë, qytetarët dolën në rrugë kundër vjedhjes për pasurimin e Ramës dhe oligarkëve të tij. Në emër të Partisë Demokratike, së bashku me anëtarë dhe drejtues të PD-së, isha atje dhe pashë në veprim shtetin e kapur nga korrupsioni dhe krimi.

Në fund fare, si një bandit cinik, nga ata që vrasin natën dhe qajnë ditën, Edi Rama falenderoi qytetarët për mirëkuptimin. I falenderoi që me anë të dhunës tani do të grabisë i qetë paratë e tyre së bashku me Kastratin dhe Salillarin.

Turp dhe kriminale për policinë që të mobilizohet kundër njerëzve në mbrotje të banditëve.

Turp për të gjithë ata që u shitën dhe me heshtjen apo propagandën e tyre mbështetën vjedhjen.

Dita e sotme tregon se aleanca krim-qeveri-oligarki-media është rrezik për Shqipërinë dhe të ardhmen tonë. Ka vetëm një shpëtim prej saj: shkatërrimi i saj. Kjo është detyra jonë dhe e cdo shqiptari me kurajë dhe dinjitet.

Të fundit