Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Deputeti i PD zbulon strategjinë e Ramës, tregon arsyen pse kryeministri do kandidojë si ministre Majlinda Bregun

Politiko 26 Gusht 2017, 16:58

Deputeti i PD zbulon strategjinë e Ramës, tregon arsyen pse

Deputeti i Partisë demokratike, Agron Shehaj është një prej politikanëve më aktivë nga radhët e demokratëve dhe reagimet e tij po shkaktojnë debate të “nxehta” në rrjetet sociale dhe media.

Ditën e djeshme ai nxiti reagime të shumta kur ironizoi me lajmin se Majlinda Bregu mund të bëhet ministre e Diasporës në qeverinë e re të Edi Ramës.

Por, sot përmes një statsusi në “Facebook” Shehaj shkruan për strategjinë e kryeministrit e cila sipas tij për bëhet për të përcjellë idenë se jemi të gjithë njësoj.

Sipas demokratit arsyet pse Rama do kandidonte Bregun si ministre është pikërisht për të çoroditur opinion publik, për të treguar që bën një qeveri "gjithëpërfshirëse" dhe për të fshirë diferencat ideologjike midis Ish Partisë se Punës dhe Partisë Demokratike.

Reagimi i Shehajt:

Mundësia që një ish Ministre dhe deputete e PD-së vetëkandidohet ose kandidohet nga të tjerë ( por ajo nuk e përgënjeshtron se nuk dihet mbase e bejnë) nuk skandalizon asnjë,ndërsa reagimi im kundër një mundësie të tillë sjell akuza për përçarje të Partisë Demokratike.

Shumëkush mund ta shohë diçka normale,por mua më bën shumë përshtypje që disa politikanë jan futur në politikë me xhepat bosh dhe janë pasuruar jashtë masë, që kanë patur privilegje të jashtëzakonshme dhe kur vjen dita që dikush i zbret nga karrigia, i sulen partisë së tyre ose akoma më keq i bashkohen kundërshtarëve.

Nuk kisha ndërmend të merresha me deputetet "e pakënaqur" sepse nuk janë ata kundërshtarët e mi,por nuk mund të hesht ndaj shfaqjes së fundit dhe manipulimit të Edi Ramës që vazhdon me strategjinë e tij për të përcjellë idenë se jemi të gjithë njësoj.

Nuk e di nëse vërtet do bej Ministre Bregun, por e vetmja arsye për të cilën do e bënte është pikërisht për të çoroditur opinion publik dhe për të fshirë diferencat ideologjike midis Ish Partisë se Punës dhe Partisë Demokratike.

Nëpërmjet kësaj lëvizjeje ai do tregonte që bën një qeveri "gjithëpërfshirëse" dhe se media që ai ka nën kontroll ( pothuajse të gjitha) do trombetonin gjoja bashkëqeverisjen PD-PS.

Duhet ta kemi të qartë se çfarë del në media nuk eshte rastësi por është pjesë e një strategjie të qartë të qeverisë.

Për sa i përket humbjes në Vlore, si në gjithë Shqipërinë, rrënjët e saj shkojnë përtej fushatës elektorale 30 ditore që unë kam bërë dhe duhen kërkuar edhe te qëndrimi,para dhe gjatë zgjedhjeve, i atyre zotërinjve që sot me akuzojnë.

Jam i vetëdijshëm që për qëndrimet e mia mund të sulmohem nga mediat, analistët dhe opinion maker pranë qeverisë dhe atyre opozitare por që mbështesin "të pakënaqurit". Është fare normale dhe nuk çuditem, por kjo nuk do më pengoj të them mendimin tim.

Nuk jam futur në politikë për interes, nuk kam marrë asnjë lek nga politika edhe kur ma kanë ofruar, të majtë dhe të djathtë.

Nuk jam futur ne politike për tu pasuruar, sepse ashtu si më "akuzojnë" disa unë kam fatin të jem i pasur. Janë të paktë në Shqipëri ata që mund të justifikojne pasuritë e tyre, kokërr me kokërr siç mund ta bëj unë. Kam punuar në mënyrë të ndershme dhe kam paguar miliarda lek taksa.

Nuk e them per tu mburrur por për t'ju thënë atyre që me ironi thonë që jam i pasur se nuk ka asgjë të keqe të kesh korrur rezultatet e punës së ndershme.

Jam futur në politikë sepse kam qenë jashtmase i zhgenjyer nga kjo klasë politike, pikërisht nga këto shfaqje të shëmtuara, njëherë me njerin, njëherë me tjetrin, jo ti vodhe, jo po vodha por dhe punova, unë të jap këtë ti me jep atë.

Kam ndërmend të them çfarë mendoj se është e drejtë, më vjen keq qe kam lënduar "të pakënaqurit".

Është detyra ime si deputet i zgjedhur i PD-së të dal kundër një mundësie si ajo që përflitet në media.

Për sa i takon atyre që më akuzojnë për formën i këshilloj të merren me përmbajtjen.