Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Deputetja e PD-së thirrje Ahmetajt: Hiq dorë nga propaganda, paguaj borxhet e Mega-Bashkive që krijove ti me Qeverinë

Politiko 2 Nëntor 2018, 18:02
Deputetja e PD-së thirrje Ahmetajt: Hiq dorë nga propaganda, paguaj

Deputetja e Partisë Demokratike, Dhurata Çupi, i është përgjigjur deklaratave të bëra nga Ministri Arben Ahmetaj, sa i takon pushtetit vendor.

Në një status në rrjetin social Facebook, Çupi thotë se pasi qeveria krijoi mega-bashkitë bashkë me borxhet e mbartura nga komunat, tashmë po u kërkon drejtuesve vendorë të paguajnë miliona euro borxhe duke i lënë ata në mëshirën e fatit pasi nuk mund të kryejnë dot një detyrim të tillë.

“Z. Ahmetaj për sa kohë rri dhe reklamon sukseset miliona euroshe të tenderave fiktivë, do të ishte mirë që thesin e parave që mbledh nga taksapaguesit shqiptarë ta shpërndash aty ku është nevoja emergjente, për ti ardhur në ndihmë pushtetit vendor, këtij të riut që krijuat ju me Reformën Territoriale”, thotë Çupi.

Postimi i plotë

Thirrje Ministrit Ahmetaj: Hiq dorë nga propaganda e tenderave fiktivë por paguaj borxhet e Mega-Bashkive që krijove ti me Qeverinë tënde.

Qeveria e tenderave fiktivë e koncensioneve për oborrtarët e pushtetit vijon me “performancën” në zgrip të ekonomisë shqiptare.

Ministri i mega- ministrisë së ekonomisë dhe financave cdo ditë njofton një tender apo koncension të pronave të shqiptarëve që e pasurojnë atë dhe miqtë e tij por varfëron njerëzit, tashmë e kërkon “zgjidhjen” tek pushteti vendor.

Pasi i krijoi mega-bashkitë bashkë me borxhet e mbartura nga komunat, tashmë u kërkon drejtuesve vendorë të paguajnë miliona euro borxhe duke i lënë ata në mëshirën e fatit pasi nuk mund të kryejnë dot një detyrim të tillë.

Z.Ahmetaj për sa kohë rri dhe reklamon sukseset miliona euroshe të tenderave fiktivë, do të ishte mirë që thesin e parave që mbledh nga taksapaguesit shqiptarë ta shpërndash aty ku është nevoja emergjente, për ti ardhur në ndihmë pushtetit vendor, këtij të riut që krijuat ju me Reformën Territoriale.

Mos i lini me lakun në fyt bashkitë, që janë ekzaktësisht rezultat i vullnetit të kësaj qeverie, apo mos pas kësaj po fshihet ndonjë strategji ndëshkuese në prag të zgjedhjeve lokale?

Është koha për reagim e veprim jo për nëpërkëmbje e tallje me paratë e shqiptarëve, që për fatin e keq të tyre keni 5 vite që i keqmenaxhoni.

 

Të fundit