Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Dërgimi i “bluzave të bardha” në Itali, tentativa për të futur në “kurth” opozitën?

Politiko 1 Prill 2020, 17:23

Dërgimi i “bluzave të bardha” në Itali, tentativa

Fundjavën e kaluar, Shqipëria dërgoi 30 mjekë dhe infermierë në Itali, për të ndihmuar kolegët e tyre italianë për përballimin e situatës nga koronavirusi. Megjithëse ky lajm u mirëprit nga të gjithë, pasi e shndërroi Shqipërinë në shembull pozitiv të solidaritetit, përsëri pati dhe detaje për të cilat do të duhej më shumë kujdes nga autoritetet shqiptare. Së pari, ishte një lajm i medias italiane “La Republica”, që njoftonte se mjekët dhe infermierët shqiptarë do t`i nënshtroheshin provimit për të parë aftësitë e tyre profesionale, pasi ata nuk kishin me vete dokumentet që vërtetonin aftësitë e tyre profesionale.

Por, sikur të mos mjaftonte kjo, një tjetër lajm ishte ai botuar në disa media (kliko këtu) që tregonin se një nga pjesëtarët e personelit shqiptar që iku në Itali ishte pompist në një pikë karburanti në Vorë (shënim: Politiko nuk e botoi lajmin, në pritje të një reagimi zyrtar nga Ministria e Shëndetësisë). Infermieri Qazim Ismaili nga Vora, tregoi të vërtetën e tij se kishte qenë pompist vërtet, pasi prej disa vitesh nuk kishte mundur të rikthehej në sistemin shëndetësor. Këtë fakt e konfirmoi në mbrëmjen e të martës në emisionin “Real Story” dhe një avokat i afërt me shtetasin Qazim Ismaili. Por, pavarësisht kësaj të vërtete, infermieri që u quajt “pompist” nga disa media online, rezultonte gjithashtu se kishte një karrierë në sistemin shëndetësor shqiptar, madje dhe atë italian.

Ishte vajza e tij ajo që publikoi më pas dokumentet që vërtetonin se i ati kishte liçensën e ushtrimit të profesionit të infermierit, si dhe dokumente të tjera që vërtetonin se ai kishte punuar në sistemin shëndetësor shqiptar. Gjithë kjo histori bëri xhiron e rrjetit, pasi për hir të së vërtetës një gafë e autoriteteve shëndetësore (që nuk bënë transparencë lidhur me emrat e personelit që po dërgonin në Itali duke i paraprirë situatës) bëri që imazhi pozitiv i krijuar nga ky akt të cenohej, madje të kthej për pak në të kundërt.

Megjithatë, disa media afër qeverisë duket se e përdorën rastin për të “fajësuar” PD për sulmin. Media “pro qeveritare” nxituan të publikonin artikuj sikur “ajo që u përshëndet nga Lulzim Basha publikisht, po sulmohej po prej tij nën rrogoz”. Ndërsa vetë eksponetë të qeverisë sulmuan ashpër me fjalë denigruese rivalët e tyre në opozitë, që padyshim kuptohet dhe tendenca për të bërë propagandë. Megjithatë, përtej këtyre, ka një që është që është e vërtet në gjithë këtë histori: Partia Demokratike nuk ka bërë asnjë deklaratë kundër dërgimit të mjekëve dhe infermierëve në Itali.

As për rastin e Qazim Ismailit nuk ka pasur deklaratë nga Partia Demokratike, që sigurisht ka kuptuar se nuk mund të binte në “kurthin” e një skandali të vetë qeverisë, që po përpiqet ta shesë si sulm të opozitës për politikë të brendshme. Kujtojmë, se portali “dosja.al”, që botoi shkrimin dhe më pas reagimin e vetë infermierit, pak ditë më parë pati dhe një “përplasje” me Partinë Demokratike, lidhur me kërkesën e kryedemokratit Basha për shpalljen e gjendjes së jashtëzakonshme. Prentendimi ishte se Basha kërkonte një gjë që qeveria e kishte bërë tashmë, por që PD e argumentoi se “gjendja e jashtëzakonshme nuk ishte shpallur për të gjithë vendin”, ndërsa më pas vetë qeveria e bëri fakt të kryer kërkesën e kryedemokratit. Pra, nëse opozita mund të kritikohet për shumë çka, në rasin konkret të paktën ajo ka zgjedhur të distancohet dhe të mos mbajë asnjë qëndrim.

Si përfundim, disa të vërteta qëndrojnë: Së pari u pranua se infermieri kishte punuar pompist, dhe përë këtë s`mund të paragjykohet. E vërteta është se ai kishte licensën e infermierit, kishte punuar në sistemin shëndetësor në vend. E vërteta tjetër është se PD u ditancua, pra nuk mbajti qëndrim për këtë rast, e për pasojë nuk mund të fajësohet për diçka që nuk e ka bërë. Gjithashtu, media pro pushtetit në vend të bënte transparencën dhe t`i kërkonte Ministrisë së Shëndetësisë jetëshkrimin e mjekëve dhe infermierëve që shkuan në Itali, zgjodhi të shtonte tymnajën, që u shpërnda shpejt për meritë edhe të heshtjes së Partisë Demokratike.

Shënim i Politiko.al.