Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Destabilizimi i Shqipërisë, Basha: Është projekt i Edi Ramës; kjo histori mbyllet më 18 qershor

Politiko 8 Maj 2017, 11:13

Destabilizimi i Shqipërisë, Basha: Është projekt i Edi

Kreu i opozitës, Lulzim Basha ka komentuar sot nga çadra akuzat e kryeministrit Edi Rama se PD po përpiqet të destabilizojë vendin. Basha thekson se destabilizimi i Shqipërisë është projekt i Ramës dhe ai ka arritur ta realizojë gjatë katër viteve në krye të qeverisë.

Basha tha se Rama po përpiqet të përmbushë planin kriminal për tu hequr të drejtën e votimit qytetarëve shqiptarë. Sipas Bashës, e vetmja rrugë për stabilitetin e vendit është lëvizja popullore dhe bashkimi i pakthyeshëm.

Pjesë nga fjala e Lulzim Bashës:

Ky është plani kriminal i Edi Ramës, t’u heq shqiptarëve të drejtën e votimit. Edi Rama ka disa ditë që flet për destabilizimin e Shqipërisë. I solli në pushtet kriminelët, e mbushi Shqipërinë me drogë, prishi çdo zgjedhje që pati në dorë duke filluar nga Korça. Unë kam krenari kur ulem dhe pi një kafe me Artan Fugën dhe shokët e tij, ky krenohet kur pi kafe me Tërmet Peçin. Kur OSBE i tha se ke shkatërruar besimin e qytetarëve të zgjedhjet, e mbushi Shqipërinë me drogë. Edi Rama ka tmerr nga zgjedhjet e lira e të ndershme. Ky është plani, ky është projekti, këtë ka bërë 4 vite me radhë, ka destabilizuar Shqipërinë. Ky vend që të gjithë shqiptarët e bënë anëtarë të NATO-s, ky vend sot nuk kontrollon dot as kufinjtë dhe as kontrollin sepse ato janë nën kontrollin e bandave të krimit. Nuk ka nevojë asnjë kundërshtar i Shqipërisë të fusë duart dhe t’i bëjë të zezat Shqipërisë, sepse të gjitha të zezat ia bën Edi Rama nga a-ja te zh-ja. Interesimi i tyre është të mbajnë në pushtet Edi Ramën sepse kështu i bëjnë gropën çdo shqiptari.

Kjo historia e së shkuarës që mbyllet përfundimisht më 18 qershor.

Edi Rama e ka destabilizuar Shqipërinë me themel dhe e vetmja rrugë për ta stabilizuar është kjo lëvizje popullore dhe bashkim i pakthyeshëm.

Ai e di fare mirë se nuk ka asnjë fabul ta shpëtojë përpara shqiptarëve. Për traditë të etërve të tij politik, ka shpikur armikun. Armiku nuk jam vetëm unë, nuk është vetëm PD, por çdo shqiptar. Rama e di shumë se çfarë e gjen me votën e lirë. E di mirë se çfarë e pret nga drejtësia e pavarur njeriun që ngriti krimin në pushtet. Plani i tij është shumë i thjeshtë, as zgjedhje të mos ketë dhe as drejtësi të mos ketë. Por sovrani të cilin e ke përjashtuar nga llogaritë dhe përpara të cilit do të japësh llogari shumë shpejtë është populli shqiptar.

Republika e re nuk është vetëm republika e demokratëve. Nuk është ideja e Lul Bashës, është thirrja e kohës, është standardi minimal që janë gati të pranojnë bijët dhe bijat. Ky është ulimatumi i rinisë, mjerë kush nuk e kupton.

Republika e re do të thotë në radhë të parë që resurset e Shqipërisë, taksat e shqiptarëve, të gjitha burimet e shqiptarëve të administrohen në transparencë vetëm për shqiptarët. Kjo tregon përse do të marri fund kjo klasë oligarkësh. Ata 4-5 miliarderë që fryhen përpara jush me koncesionet korruptive, të cilat do të anulohen në ditën e parë të Republikës së re.