Flash News

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

KRYESORE

Detajet/ PD kërkon qeveri kujdestare para zgjedhjeve, kush janë propozimet konkrete për anëtarët dhe ministrin e Brendshëm

Politiko 13 Shkurt 2020, 12:41
Detajet/ PD kërkon qeveri kujdestare para zgjedhjeve, kush janë

Partia Demokratike ka prezantuar sot propozimet kundër krimit zgjedhor në sajë të Reformës Zgjedhore.

Përfaqësues të PD, Oerd Bylykbashi, Ivi Kaso dhe Enkelejd Alibeja pasi sqaruan se ku janë të fokusuara këto propozime, interesi i medias u përqendrua më shumë te qeveria kujdestare që propozon PD dhe se kush mund të jenë anëtarët konkret që do përbëjnë këtë qeveri 100 ditë para zgjedhjeve.

Sipas Bylykbashit, mes PS dhe PD nuk mund të ketë një bashkëqeverisje me në krye Edi Ramën, por një qeveri kujdestare me persona që garantojnë votat e shqiptarëve.

“Jeni familjarë me metodologjinë e reformës zgjedhore që parashikon nevojën që për të qenë propozimet efikase duhet të garantohet ndarja e shtetit nga politika dhe partitë.

Paketa jonë që në kokë i qëndron linjës së qartë politike, që një qeveri kujdestare është garancia që këto instrumente të funksionojnë, çdo gjë tjetër e bën më pak efikasitetin në mbrojtje të drejtës së votës së zgjedhësve.

Nuk do ketë bashkëqeverisje mes PS-PD, nuk do ketë, qeveri kujdestare nga ana tjetër, që do të thotë neutrale në raport me zgjedhjet, që zbaton detyrimet ligjore dhe standardet që jo e vetëm të ndihmojë organizimin e zgjedhjeve, por edhe të mos ndërhyrje për të prishur zgjedhjet, kjo është detyra e një qeverie kujdestare. Situata reale me kryeministër Edi Ramën është e kundërta. Në kushtet aktuale një qeveri kujdestare do të thotë që nuk drejtohet nga Rama , i cili është gati të tejkalojë kushtetutën dhe ligjin për t’i hedhur në plehra vetëm për pushtet.

Në kushtet aktuale një qeveri kujdestare do të thotë këtë, e përbehet nga figura që janë figura me integritet profesional dhe moral dhe vullnetin e mirë për të garantuar votën e shqiptarëve.

Me këto objektiva duke u nisur edhe nga modelet që nuk janë larg nga Shqipëria, në kushtet kur do të shkojmë rreth kësaj zgjidhje, do përcaktojë edhe personat me detyra të tilla.

Një zgjidhje për këtë çështje në aspektin teknik do jetë edhe më e gjerë, por objektivi është i qartë i bazuar mbi parime solide.

Sa i përket ministrit të Brendshëm, ai duhet të jetë një person larg konfliktit të interesit për të rrëmbyer pushtetin. Nëse e shihi nuk është heqja e një personi dhe vendosja e një tjetri, por është koncepti që policia do jetë pasive të mos dëmtojë procesin zgjedhor por për ta mbrojtur procesin dhe jo të jetë mburojë për kriminelët që punojnë për partinë në pushtet apo të bëjë fushatë kur ua kërkon kryeministri. Duhet të jetë larg konfliktit të interesit.

Nuk mund të jetë bashkëqeverisje e opozitës me PS, por një qeveri neutrale që zbaton ligjin dhe garanton zgjedhjet pa drejtimin e Edi Ramës”, u shpreh Bylykbashi.

Të fundit