Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

"Dezifektimi nuk mjafton", Basha për nisjen e mësimit: Mësuesit të testohet për COVID ditën e parë të shkollës

Politiko 11 Shtator 2020, 10:50
"Dezifektimi nuk mjafton", Basha për nisjen e mësimit:

Kryetari i PD-së, Lulzim Basha, ka reaguar së fundmi lidhur me hapjen e shkollave, teksa i ka bërë thirrje qeverisë që çdo mësues të testohet për COVID ditën e parë të shkollës.

Nëpërmjet një postimi në facebook, Basha shkruan se nuk mjafton vetëm dizinfektimi dhe klasat me turne, por duhen masa urgjente për të mbrojtur fëmijët dhe stafin pedagogjik.

Më tej ai shton se jeta dhe shëndeti i mësuesve është më i rëndësishëm se çdo show politik.

Postimi i plotë:

Tashmë shumë, pranë nisja e vitit të ri shkollor është një ditë e mirëpritur nga mijra nxënës, prindër dhe staf pedagogjik në të gjithë vendin.

Ky vit nis në kushte të vështira për mësuesit, nxënësit dhe familjet e tyre. Javët e fundit numri i të prekurve me covid19 vazhdon të jetë të lartë ndërkohë që mbetet detyrë parësore e qeverisë të marrë masa konkrete për të shmangur përhapjen e virusit mes nxënësve dhe mësuesve.

Veç dezifektimit të ambjenteve shkollore, mësimit me turne për të shmangur klasat me shumë nxënës, duhet kryer urgjentisht dhe testim masiv për të gjithë stafin mesimor. Çdo mësues ditën e parë të shkollës duhet të ketë rezultatin e testit të covid 19. Me testime të shpeshta të stafit mësimor në vazhdim, do të mund të shmanget dhe një zinxhir i mundshëm infeksioni që do ta rëndonte edhe më tej situatën.

Ndërkohë qe Kosova pritet ta zbatojë këtë plan, qeveria shqiptare duhet të nisë urgjentisht marrjen e masave për  të siguruar testimet për stafin mësimor.

Jeta dhe shëndeti i mësuesve, nxënësve dhe të gjithë shqiptarëve është sot më i rëndësishëm se çdo show politik!

Të fundit