Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Dhuna në protestë, Gurakuqi iu drejtohet deputetëve të PS: Ju jeni përgjegjës, me veprimet dhe mosveprimet tuaja

Politiko 14 Prill 2019, 12:25

Dhuna në protestë, Gurakuqi iu drejtohet deputetëve të PS:

Ish deputeti i Partisë Demokratike në qarkun Shkodër, Romeo Gurakuqi, më anë të një postimi në Facebook shprehet se mbrëmë në protestë ka qenë dëshmitar i harbutërisë dhe përdorimit të dhunës nga ana e policisë mbi protestuesit.

Gurakuqi shprehet se akuzon të gjithë deputetët e PS që me veprimet dhe mosveprimet e tyre, kanë lehtësuar, favorizuar dhe mbështetur vendosjen e një junte kriminale.

“Ju jeni përgjegjes përpara brezit të ri të Shqipërisë, si kontributorët kryesorë të shkaterrimit të arritjeve të brishta të demokracisë shqiptare, duke i hapur rrugën instalimit të juntës policore, të një aventurieri të korruptuar dhe të kriminalizuar”, i drejtohet ish deputeti ligjvënësve të PS.

Postimi i plotë:

Mbrëmë kam qenë dëshmitar i veprimeve të denja për policinë sekrete të Hitlerit, nga ana e Policisë Shqiptare në Bulevardin “Dëshmorët e Kombit”.

Raprezalje ndaj çdo qytetari të konsideruar “i dyshimtë”, nga civile pa asnjë shenjë dalluese të organeve ligjzbatuese.

Veprime shoqërimi në kundershtim me rregulloren përkatëse, pa asnjë komunikim paralajmërues, me harbutëri dhe përdorim dhune.

Këto veprimeve u shtohen shkeljes së ligjit për ruajtjen e rendit publik në tubime të ligjshme, që ndalon përdorimin e LHL ndaj qytetarëve të lirë, ndërkohë që metodat paraprake parandaluese nuk janë vendosur fare në veprim.

Kush mban përgjegjësinë për shndërrimin e Policisë së Shtetit në një Polici Politike? Tregtari i palincencuar i mallrave në kufirin mes Kaonisë dhe Thesprotisë, i vendosur në komandën ushtarake të shtypjes së qytetarëve dhe në funksionet e negocimit me trafikantët?

Ministri i Brendshëm që vëzhgon eksperimentet e përdorimit të LHL mbi qytetarët e tij, nën pretendimin e çuditshëm dhe të pabesueshëm, se nuk ka tagre për ndaljen e raprezaljeve të policise së PS?

Apo lideri suprem i juntës që shkatërroi institucionet kushtetuese?

Unë ju akuzoj ju të gjithë, deputetë të PS në Kuvendin e Shqipërisë, që me veprimet dhe mosveprimet tuaja, keni lehtësuar, favorizuar dhe mbështetur vendosjen e një junte kriminale në drejtim të Shtetit, të institucioneve ligjzbatuese, duke shkatërruar institucionet kushtetuese, të hetimit të pavarur penal, të mbrojtjes së qytetarëve dhe opozitës. Ju jeni përgjegjes përpara brezit të ri të Shqipërisë, si kontributorët kryesorë të shkaterrimit të arritjeve të brishta të demokracisë shqiptare, duke i hapur rrugën instalimit të juntës policore, të një aventurieri të korruptuar dhe të kriminalizuar.