Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Diktatura e krimit”, Fatos Lubonja kritika Donald Lu-së: Është kontradiktor; PD-në nuk e mbështeti kur denoncoi

Politiko 2 Tetor 2017, 17:28

“Diktatura e krimit”, Fatos Lubonja kritika Donald Lu-së:

Analisti Fatos Lubonja e konsideron kontradiktor qëndrimin e ambasadorit amerikan, Donald Lu, për krimin e organizuar në Shqipëri. Duke e quajtur “diktatura e krimit”, Lubonja tha në 'News 24' se kjo situatë është e njohur, por e habit ky qëndrim i ambasadorit Lu, i cili nuk i ka dha mbështetje Partisë Demokratike kur u fut në çadër dhe denoncoi krimin dhe ndikimin që do të kishte në zgjedhjet parlamentare.

“Kur PD u fut në çadër dhe që ishte një lëvizje anti-sistem, atëherë ambasadori tha mbështetje për institucionet, mbështetje për zgjedhjet dhe tani shohim kur flet me studentët për rrëzim të qeverisë. Këtu ka një kontraditë dhe ambasadori bën mirë që të jetë më i qartë”, deklaroi analisti.

Lubonja tha se ky ishte një kapërcim i menjëhershëm i Donald Lu, i cili ndoshta vjen për shkak të informacioneve më të shumta, ose për shkak të ndryshimit të linjës në Uashington.

“Më duket një kapërcim i menjëhershëm sepse kjo situatë dihej. Ndoshta ata (Ambasada Amerikane) kanë më shumë informacion ose ndoshta ka ndryshuar linja në Uashington. Kullat që po lulëzojnë tregojnë se këtu po pastrohen paratë e krimit”, tha ai.

Më tej, Lubonja tha se nuk beson se diçka të ndryshojë me vetëm një deklaratë të Lu-së nëse në vend nuk lindin forca që kërkojnë ndryshim. Gjithsesi, analisti e konsideron pozitiv dyshimin e hedhur mbi qeverinë e kryeministrit Edi Rama, pasi sipas tij, kjo mund të ndihmojë në lindjen e forcave të reja.

“Ngjarjet e Elbasanit janë vetëm maja e ajsbergut. Vështirë se diçka mund të ndryshojë vetëm me fjalën e ambasadorit, besoj se ky mund të ishte një sinjal, por pa forca të ndershme që duan të lëvizin dhe të ndryshojnë vendin nga brenda, dyshoj se mund të ndryshojë diçka. Edhe dyshimi ndaj kësaj qeverie, të cilës iu dha mbështetje për të goditur krimin, mund të ndihmojë lëvizjen e këtyre forcave të reja, por jo të ndryshojë diçka. Është shumë e vështirë që diktatura e krimit të përmbyset kaq lehtë. Mund të hiqet një kryebandit dhe në vend të tij mund të vihet një kryebandit tjetër, prandaj duhet një lëvizje e gjerë”, deklaroi Lubonja.

“Diktatura e krimit ka në krye një qeveri që menaxhon këtë sistem”, tha Lubonja duke përmendur lidhjen krim-politikë-media.

Presioni i Donald Lu-së shtrihet në mediat e huaja, deklarata për krimin e organizuar pasqyrohet nga gjigantët amerikanë