Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Diplomacia coronavirus/ Si po përpiqen Rusia, Kina dhe BE të fitojnë Serbinë, Amerika "del nga loja"

Politiko 13 Prill 2020, 08:29

Ndërsa pandemia përhapet thuajse në çdo cep të botës, fuqitë rivale ofrojnë ndihma për vendet në nevojë për të përparuar qëllimet e politikës së jashtme.

Së pari, kinezët erdhën në Beograd, me gjashtë ekspertë mjekësorë për të ndihmuar në koordinimin e politikës kombëtare të coronavirusit. Një president emocional serb puthi flamurin kinez në mirënjohje dhe kritikoi Evropën për mungesë ndihmese.

Më pas erdhën Rusët, të cilët sollën me avionë ushtarakë burime më pak thelbësore por megjithatë të mirëpritura.

Më në fund erdhën evropianët, duke theksuar se ata kishin qenë atje gjatë gjithë kohës dhe kishin financuar dukshëm më shumë sesa Rusia dhe Kina bashkë.

Në Serbi, një vend kandidat për pranimin në BE, konkurrenca e "diplomacive coronavirus" është shumë e dukshme.

Ndërsa pandemia përhapet me shpejtësi, lojtarët kryesorë nga ana tjetër po kërkojnë të përdorin fuqi dhe ndihma për të përmbushur qëllimet e tyre të politikës së jashtme.

Amerikanët, të përqendruar nga brenda nën administrimin e Trump dhe të goditur më shumë nga virusi kanë munguar nga loja e diplomacisë coronavirus.

Në Serbi, gjithçka filloi më 15 mars, ditën kur presidenti Aleksandar Vučić shpalli gjendjen e jashtëzakonshme.

Ishte po atë ditë që një deklaratë nga presidentja e komisionit evropian Ursula von der Leyen dukej se sugjeronte ndalimin për eksportimin e furnizimeve mjekësore nga blloku. Ky fakt solli një reagim të ashpër të Vuçiç.

“Solidariteti evropian nuk ekziston. Ishte një përrallë. Unë kam dërguar një letër të veçantë për të vetmit që mund të ndihmojnë. Kjo është Kina”, i tha Vuçiç kombit të tij.

Ai i kërkoi Kinës furnizime, pajisje dhe këshilla për të luftuar pandeminë, dhe shumë shpejt pas kësaj, një aeroplan u ul në Beograd.

"Nuk ishte saktësisht ajo që ne do të dëshironim të dëgjonim nga një qeveri që pretendon se po bën çmos për t'u anëtarësuar në BE," tha një diplomat evropian me qendër në Beograd.

Por edhe në Spanjë dhe Itali ka pasur zemërim për mungesën e një reagimi të koordinuar evropian ndaj coronavirusit, dhe për ata që janë jashtë bllokut si Serbia, refuzimi u ndje edhe më fuqishëm.

"BE fillimisht ishte pak e ngadaltë dhe e ngathët. Kjo është ajo që ndodh shumë shpesh me BE-në, natyrisht që nuk mund të jetë aq e shpejtë dhe ndërhyrëse në mënyrën sesi mund të jetë Kina ose Rusia, "tha Milena Lazarević nga Qendra e Politikave Evropiane në Beograd.

Zyrtarët serbë thonë se ekspertët kinezë, të cilët kanë mbetur në vend, tani po drejtojnë politikën e coronavirusit të qeverisë. Në dallim nga shumica e Evropës, Serbia po ndjek modelin kinez për të izoluar madje raste më të buta të infeksioneve në spitale, në vend që t'i besojë karantinës.

Kinezët gjithashtu rekomanduan një bllokim absolut siç është rasti i Ëuhan, tha një zyrtar serb.

Zyrtarët serbë kanë shpresë se zbatimi i masave të rrepta kineze do të thotë që vendi shmang një epidemi në shkallë të gjerë siç shihet në vendet e Evropës perëndimore. Që nga e diela, Serbia ka 3,380 raste të konfirmuara dhe 74 vdekje.

Rusia dërgoi gjithashtu ndihma, kryesisht mjete dezinfektuese për spitalet. Në Moskë, figurat e opozitës kanë kuptuar se Kremlini ka dërguar pajisje jashtë vendit për përfitime propagandistike, ndërsa mjekëve në shtëpi u mungojnë furnizimet themelore.

Që nga “shpërthimi” i Vuçiç, BE gjithashtu ka punuar shumë për të treguar mënyrat me të cilat ajo ka ndihmuar Serbinë.

Delegacioni i BE në vend vuri në dukje se më shumë se 200 milion € (176 milion)) grante dhe 250 milion € kredi janë dhënë për të ndihmuar në ndërtimin dhe pajisjen e objekteve mjekësore gjatë dy dekadave të fundit.

93 milion euro fonde të tjera janë premtuar nga BE për një afat të shkurtër dhe të mesëm për të luftuar koronavirusin dhe efektet e tij.

Një studim i bërë në dhjetorin e kaluar tregoi se shumë serbë besuan se Rusia ose Kina ishin dhuruesi më i madh i vendit gjatë dy dekadave të fundit, ndërsa në fakt BE kishte dhënë rreth 100 herë më shumë se secila.

“Në kohë krize, një aeroplan me materiale urgjente mund të ketë një efekt të madh publik, por puna strukturore në sektorin e shëndetësisë për shumë vite harrohet lehtë," tha diplomati evropian.

Vučić që atëherë ka lavdëruar ndihmën evropiane, por gjestet e mëdha kineze ka të ngjarë të përmbahen në kujtesën publike. The Guardian