Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Diplomati revoltohet me Ramën dhe Bushatin: Pas 92 vitesh Greqia pranoi ekzistencën e kufijve detarë. Me çfarë dreq të drejtë negocioni ju?

Politiko 6 Korrik 2018, 13:20

Diplomati revoltohet me Ramën dhe Bushatin: Pas 92 vitesh Greqia pranoi

Diplomati shqiptar, Shaban Murati është shprehur i revoltuar me Qeverinë e drejtuar nga Edi Rama, e cila po zhvillon negociatat me Greqinë për përcaktimin e kufijve detarë.

Duke iu referuar deklaratës së ministrit të Jashtëm grek, Nikos Kotzias, e bërë tre ditë më parë dhe ku ai konfirmon njohjen e “Aktit të Parisit” që përcakton kufijtë detare midis Shqipërisë dhe Greqisë që në vitin 1926, Murati thekson se ky është një moment historik.

“Ministri i jashtëm grek Nikos Kocias bën një deklaratë historike:” A i njohim ne kufijtë e formuluar sipas Aktit Final të Helsinkit? A e njohim ne Aktin Final të Parisit të vitit 1926?”. (3 korrik 2018, Faqja zyrtare e MPJ të Greqisë).Është hera e parë në 92 vite që një ministër i jashtëm grek konfirmon dhe pranon zyrtarisht dhe publikisht plotfuqishmërinë e “Aktit Final të Delimitimit të kufijve të Shqipërisë” të 30 korrikut 1926, të firmosur në Paris nga katër fuqitë e mëdha dhe nga qeveritë e Shqipërisë dhe të Greqisë. Pra pranon ekzistencën e kufijve tokësorë dhe detarë midis dy vendeve, të vulosur nga “Akti i Parisit” në 1926”, shkruan Murati.

Shaban Murati shpreh shqetësimin se ku e gjejnë të drejtën Edi Rama dhe Ditmir Bushati të diskutojnë për çështjen e kufijve detarë midis dy shteteve, kur vetë ministri grek pranon marrëveshjen e 1926-ës, që i ka dhënë zgjidhje kësaj çështjeje.

Reagimi i Shaban Muratit:

Greqia pranon “Aktin e Parisit” për kufijtë, Shqipëria e ka harruar

Ministri i jashtëm grek Nikos Kocias bën një deklaratë historike:” A i njohim ne kufijtë e formuluar sipas Aktit Final të Helsinkit? A e njohim ne Aktin Final të Parisit të vitit 1926?”. (3 korrik 2018, Faqja zyrtare e MPJ të Greqisë).

Është hera e parë në 92 vite që një ministër i jashtëm grek konfirmon dhe pranon zyrtarisht dhe publikisht plotfuqishmërinë e “Aktit Final të Delimitimit të kufijve të Shqipërisë” të 30 korrikut 1926, të firmosur në Paris nga katër fuqitë e mëdha dhe nga qeveritë e Shqipërisë dhe të Greqisë. Pra pranon ekzistencën e kufijve tokësorë dhe detarë midis dy vendeve, të vulosur nga “Akti i Parisit” në 1926, akt ku gjithashtu qeveria greke “angazhohet në respektimin me besnikëri dhe ligjëshmëri te Protokolleve dhe të Konventave të bashkëlidhur Akteve të caktimit të kufijve”. (AQSH,149 mv.1926, DI-790,fl.2).

Kur vetë ministri i jashtëm grek pranon se kufijtë tokësorë dhe detarë të Shqipërisë janë përcaktuar përfundimisht që në vitin 1926, me çfarë dreq të drejtë Tirana hap dhe diskuton çeshtjen e paqenë të kufijve detarë midis dy vendeve në vitin 2018?

Faksimilen dhe analizën e “Aktit Final të Delimitimit të kufijve të Shqipërisë” të vitit 1926 e keni në librin tim “Çeshtja e paqenë e detit: Një intrigë diplomatike greke apo shqiptare?”, Tiranë, 2018.