Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Disa protestues po mbahen ende në komisariat, Lëvizja Vetëvendosje: Kërkojmë nga Prokuroria të shqyrtohet urgjentisht ky rast

Politiko 18 Maj 2020, 15:34
Disa protestues po mbahen ende në komisariat, Lëvizja

Lëvizja Vetëvendosje me qendër në Shqipëri ka reaguar lidhur me disa protestues që po mbahen ende të arrestuar në komisariatet e Policisë së Shtetit, ku mes tyre edhe drejtori ekzekutiv i LVV Shqipëri Boiken Abazi.

Në reagimin në Facebook, LVV në Shqipëri shprehet se "arrestimi i Boiken Abazit është i pabazuar, prandaj mbajtja e tij në arrest është dhunim i të drejtave të qytetarit dhe i urdhëruar politikisht. Me sa duket pushteti, tashmë plotësisht ilegjitim, kërkon të frikësojë aktivistët dhe të mbysë zërin e qytetarëve protestues."

Postimi i plotë:

Lironi mbrojtësit e Teatrit!

Sot, një ditë pas protestës qytetare në mbrojtje të Teatrit Kombëtar, në komisariatet e Policisë së Shtetit, ende mbahen të arrestuar disa protetues, midis tyre edhe drejtori ekzekutiv i LVV Shqipëri Boiken Abazi.

Ata akuzohen për kundërshtim me forcë të punonjësve të policisë. Në pamjet filmike të shfaqura në televizione dhe të siguruara nga Qendra e Lëvizjes VETËVENDOSJE! në Shqipëri dhe në dijeninë tonë, arrestimi i Boiken Abazit është i pabazuar, prandaj mbajtja e tij në arrest është dhunim i të drejtave të qytetarit dhe i urdhëruar politikisht.

Me sa duket pushteti, tashmë plotësisht ilegjitim, kërkon të frikësojë aktivistët dhe të mbysë zërin e qytetarëve protestues.

Kërkojmë që Prokuroria të shqyrtojë urgjentisht rastin e Boiken Abazit dhe të qytetarëve të tjerë të arrestuar dhe të proçedojë penalisht shkelësit e vërtetë të Kushtetutës e të ligjit që janë rrënuesit e Teatrit Kombëtar dhe dhunuesit e qytetarëve të Republikës.

Ndalimi dhe mbajtja nën arrest e aktivistëve tanë nuk do të na ndalë që të ngrihemi së bashku me qytetarët e tjerë në mbrojtje të të drejtave dhe lirive tona.

Ata që sot rezistojnë, nesër fitojnë!

Tiranë, 18 maj 2020

Lëvizja VETËVENDOSJE!

Qendra në Shqipëri

Të fundit