Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Dita e Hashures; Kryemadhi vizitë në Kryegjyshatën Bektashiane, mesazh urimi shqiptarëve

Politiko 1 Shtator 2020, 14:37
Dita e Hashures; Kryemadhi vizitë në Kryegjyshatën Bektashiane,

Besimtarët bektashinj festojnë sot Ditës së Hashurës. Me këtë rast, kryetarja e LSI-së, Monika Kryemadhi, ka zhvilluar një vizitë në Kryegjyshatën Bektashiane ku është takuar me Kryegjyshin botëror të bektashinjve, Edmond Ibrahimaj.

Gjatë vizitës Kryemadhi shoqërohej nga Sekretari i Përgjithshëm i LSI, Endrit Braimllari, Kryetarja e LRI-së, Floida Kërpaçi dhe anëtarja e Kryesisë së LSI, Elona Guri. Në një prononcim për mediat në këtë ditë feste, Kryemadhi u ka uruar begati të gjithë shqiptarëve, duke shtuar se sot më shumë se kurrë kemi nevojë për ngadhënjimin e të mirës mbi të keqen.

 “Sot në ditën e Hashures, dita kur Imam Hyseini udhëhoqi betejën në Qerbela për të përmbysur diktaturën famëkeqe të Jezitit mavi dhe për të rindërtuar paqen, demokracinë dhe për të çliruar popujt nga kjo dhunë e kjo zgjedhë. Në këtë ditë do të dëshiroja që me këtë urim të shkonim kudo në çdo shtëpi të shqiptarëve për të çliruar shpirtrat tanë nga çdo mëkat që ne kemi, nga çdo e keqe që na ka kapur dhe për të çliruar shpirtrat tanë për të ecur përpara për t’i dhënë begati familjeve tona, për t’i dhënë begati popullit tonë, për t’i dhënë begati vendit tonë. Sepse sot më shumë se kurrë kemi nevojë për ngadhënjimin e të mirës mbi të keqen. Zoti i bekoftë shqiptarët kudo që janë dhe Zoti i dhëntë Shqipërisë mbarësi e begati ashtu sikurse në betejën e Qerbelasë u çliruan nga çdo dhunë e çdo padrejtësi që i bëhej”, tha Kryemadhi.

Të fundit