Flash News

Departamenti i Shteti 'rrëzon' non grata-n: Berisha mund të vijë në Amerikë. Çfarë do të thotë, dhe pse u mor vendimi pak ditë para 11 majit?/ E SHPJEGUAR

Kërkimet për 29-vjeçarin në Klos, Kosova vjen në ndihmë me një kontingjent kërkim-shpëtimi

Kulla e heshtjes, ndërtimi 16-katësh që sfidon ligjin dhe komunitetin në zemër të Tiranës

Aksident në aksin Elbasan-Peqin, plagosen tre efektivë policie

Kamioni përplaset me ambulancën, policia: Infermieri dhe babai i pacientit mes të plagosurve

KRYESORE

Dita Ndërkombëtare kundër Duhanit, OBSH: Shkakton sëmundje dhe goditje kardio-vaskulare

Politiko 31 Maj 2018, 17:57
Dita Ndërkombëtare kundër Duhanit, OBSH: Shkakton sëmundje

Në Ditën Ndërkombëtare kundër Duhanit, Organizata Botërore e Shëndetësisë paralajmëron se përdorimi i duhanit shkakton spmundje dhe goditje kardio-vaskulare, si edhe mund të sjellë vdekjen e parakohëshme të 3 milionë vetëve në vit.

Sëmundjet kardiovaskulare janë shkaku kryesor i vdekjeve, duke shkaktuar afro 18 milionë vetë në vit. Organizata Botërore Shëndetësore ia atribuon 3 milionë nga këto vdekje përdorimit të duhanit dhe eskpozimit ndaj duhanit.

Douglas Bettcher është drejtor i OBSH-së për parandalimin e sëmundjeve jo të transmetueshme. Ai thotë se shumica e njerëzve e dinë se duahni rrit rrezikun e kancerit dhe sëmundjeve të mushkërive, por studimet tregojnë se shumë prej tyre nuk e dine që përdorimi i duhanit nxit sëmundjet e zemrës dhe goditjet në zemër.

“Ka hendeqe të mëdha në njohuritë për rreziqet e sëmundjes së zemrës. Dhe në shumë vende, këto mangësi në njohuri janë shumë të thella. Përqindja e njerëzve që nuk e besojnë se duhani shkakton goditje kardio-vaskulare është për shembull në Kinë deri në 73 për qind. Për goditjet në zemër, 61 për qind e të rriturve në Kinë, nuk e dinë se duhani e rrit atë rrezik”, shprehet ai.

Menaxheri i kontrollit të përdorimit të duhanit në OBSH, Vinayak Prasad, thotë se njohuria mund të shpëtojë jetë.

“Nëse ndalon duhanin, rreziku nga sëmundjet kardio-vaskulare eliminohet për 15 vjet. Pra 15 vjet pasi ke lënë duhanin, rreziku është i njëjti sikur të mos kishe prië kurrë duhan”, thotë Prasad.

OBSH njofton se përdorimi i duhanit ra nga 27 për qind në vitin 2000 në 20 për qind në vitin 2016. Megjithatë oragnizata shton se duhani shkakton vdekjen e mbi 7 milionë vetëve në vit.

Agjencia e Kombeve të Bashkuara thotë se mbi 80 për qind e përdoruesve të duhanit, jetojnë në vendet në zhvillim dhe kjo shifër po rritet.

OBSH-ja vë në dukje se përdorimi i duhanit është në rënie në të gjitha rajonet përveçse në Lindjen e Mesme dhe Afrikë.

Të fundit