300 mijë vendet e reja të punës, Rama: Këngë për qëllime propagandistike, shikoni regjistrin

Kryeministri Edi Rama

Kryeministri Edi Rama në konferencën për mediat së bashku me ministren e Financave Anila Denaj dhe Drejtoreshën e Përgjithshme të Tatimeve Delinda Ibrahimaj tha se administrimit fiskal ka ndryshuar, por ka ende për të bërë.

Ai tha se modernizimi i sektorit të të ardhurave dhe i administrimit të tyre është nja kanter që është ndërtuar. Kryeministri u ndal edhe te premtimi i tij për hapjen e 300 mijë vendeve të punës, ku theksoi se është përmbushur.

“Është shumë e rëndësishme që sot të kihet parasysh kur flasim për sistemin tonë të taksave dhe administrimit fiskal nga vijmë. Jemi ende në mes të rrugës. Jemi ende në një proces ndërtimi të të gjithë sistemeve që do të mundësojnë funksionimin modern transparent dhe eficent të gjithë këtij sektori kyç, sektori i të ardhurave dhe i administrimit të tyre.

Krahasuar me dje është një situatë qartësisht e ndryshme dhe shihet e nesërmja. Është këngë e përsëritur për qëllime propagandistike. Kemi premtuar 300 mijë vende pune dhe sot thjesht duke iu referuar shifrave të regjistrit të punës, hapeni dhe shikojeni ju që jeni ndërmjetësit.

Hapeni dhe shikojeni. Thuajuni njerëzve nëse është apo jo e vërtetë. Janë apo nuk janë 225 mijë më shumë deri në fund të 2019? Paguhen dhe paguajnë sipas vendit të punës. E sjell këtë shembull për të thënë se në çdo aspekt është e njëjta gjë. Ndryshimi është nata me ditën”, shtoi Rama.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm