Ditari i Maxhorancës

A do dëgjohet 'Venecia'? Balla: Ne jemi të hapur, por s'kemi kohë! Arsyet e kthimit nga Meta s'kanë të bëjnë aspak me Kodin

A do dëgjohet 'Venecia'? Balla: Ne jemi të hapur, por
Sekretari i Përgjithshëm i Partisë Socialiste, Taulant Balla

Sekretari i Përgjithshëm i Partisë Socialiste, Taulant Balla, ka ritheksuar edhe njëherë se Kodin e ri Zgjedhor do të miratohet.

Ndërsa bëri me dije se mazhoranca është e hapur dhe do ta dëgjoj Venecian, Balla sqaroi se vendimi për të rivotuar ndryshimet në Parlament do të bëhet për shkak se nuk ka kohë për  të implementuar Kodin e ri Zgjedhor.

Balla vuri në dukje ‘interesat’ e Metës referuar kthimit pas të Kodit në parlament, kur tha se: “Fatkeqësisht Presidenti i Republikës mori pothuajse një muaj me pa të drejtë, pasi këtë që bëri mund ta kishte bërë që ditën e dytë që mori ligjin për ta shqyrtuar. Por gjithsesi nuk ka më nevojë të shpjegojë arsyet e Presidentit që nuk kanë të bëjnë aspak me përmbajtjen e Kodit. Kodi është një ligj zgjedhor model.”

A do të dëgjohet opozita, Presidenti, Venecia?

“Ne do ta dëgjojmë Venecian, gjithmon e kemi dëgjuar. Por Venecia ka refuzuar kërkesën e Presidentit të Republikës për një opinion urgjent. Pra e ka futur në një procedurë normale.

Dhe kjo është shumë domethënëse për ata që kuptojnë komunikimin dhe bashkëpunimin që ne kemi me ‘Venecian’.

Unë dhe kryeministri e kemi thënë që ne jemi të hapur, por duke përllogaritur që çdo ditë që kalon është një ditë e humbur në funksion të përgatitjes së zgjedhjeve të 25 prillit. Ligji zgjedhor duhej të kishte hyrë në fuqi.

Fatkeqësisht Presidenti i Republikës mori pothuajse një muaj me pa të drejtë, pasi këtë që bëri mund ta kishte bërë që ditën e dytë që mori ligjin për ta shqyrtuar. Por gjithsesi nuk ka më nevojë të shpjegojë arsyet e Presidentit që nuk kanë të bëjnë aspak me përmbajtjen e Kodit. Kodi është një ligj zgjedhor model, i marrë fjalë për fjalë nga Kodet Zgjedhore të vendeve anëtare të BE-së dhe Këshillit të Evropës. Kështu, sapo Venecia të ketë marrë një vendim dhe të ketë miratuar një opinion, e presim.

Kush merr vesh nga proceduarat parlamentare, nëse ne do të votonim dekretin e presidentit pro, do të bëhej i pamundur një pritje e opinionit të Komisionit të Venecias.

Edhe nëse Ilir Meta do të kishte qenë në Kuvendin e Shqipërisë do të na kishte dhënë të drejtë për procedurën që ne po ndjekim. Pra, Kodi do të hyjë në fuqi dhe më pas kemi të gjithë mundësitë që të adresojmë opinionin e Venecias, qoftë edhe pas 25 prillit”, tha Balla.

Ditari politik

Të fundit