Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Ahmetaj publikon raportin e firmës ligjore amerikane: Ja pse po sulmohem politikisht

Politiko 23 Nëntor 2023, 11:04

Ahmetaj publikon raportin e firmës ligjore amerikane: Ja pse po sulmohem

Nga arratia, ish-zv.kryeministri Arben Ahmetaj  ka reaguar sërish për akuzat e ngritura dhe hetimet që SPAK ka nisur ndaj tij, për përfshirje në aferën e inceneratorëve.

Në një postim në Facebook, Ahmetaj ka publikuar raportin e firmës ligjore amerikane “Nixon Peabody”. Ish-zv.kryeministri shkruan se firma ka shqyrtuar dhe analizuar të gjithë raportin e SPAK dhe ka arritur disa konkluzione, ndër të cilat thotë se bëhet fjalë për sulme politike ndaj Ahmetajt.

Ahmetaj thotë se raportin në fjalë ia ka dërguar Ministrisë së Drejtësisë, Kryetares së Kuvendit, përfaqësive të huaja dhe institucioneve të drejtësisë.

Postimi:

Në vazhdën e persekutimit politik për më shumë se një vit e gjysëm, të vazhduar e orientuar në media (të financuara nga inceneratorët) dhe në institucionet e akuzës, u detyrova të kërkoja një Opinion të dytë të pavarur (Indipendent Second Opinion) nga një firmë ligjore ndërkombëtare me qendër në SHBA.

Firma ligjore “Nixon Peabody” mori në shqyrtim të gjithë raportin e SPAK paraqitur në kërkesën që ky i fundit dorëzoi në Kuvend për heqjen e imunitetit parlamentar. Firma ligjore “Nixon Peabody” pas disa muajsh punë me bashkëpunëtorë me eksperiencë të fushës (ish-prokurorë federalë, apo ish-investigatorë të institucioneve ligjzbatuese amerikane) kanë prodhuar një raport të gjatë prej 420 faqesh duke u bazuar në standardet ndërkombëtare, prezumimin e pafajësisë dhe të drejtat themelore të njeriut.

Në raport ka dhe një përmbledhje prej 38 faqesh, ku bie në sy një nga konkluzionet e “political motivation or others…”, pra sulme te orientuara politikisht, për akuzat e ngritura ndaj meje,  përmbledhje e cila mund të lexohet lehtësisht nga kushdo i interesuar.

Këtë raport ia kam dërguar Ministrit të Drejtësisë, Kryetares së Kuvendit, Kryeinspektorit Metani, si dhe disa përfaqësive të huaja të shteteve dhe institucioneve që kanë kontribuar në reformën në drejtësi.

Më poshtë kam atashuar linkun e materialit të plotë, i cili është lehtësisht i aksesueshëm.

Tashmë nuk kam më as habi, e as çuditem nga goditjet e orientuara, të kaluara, të tashme e të ardhme. Nuk kam çudi as nga standardet e aplikuara. Në të ardhmen e afërt do të komunikoj në detaje për akuza / supozime e përtej…

Dokumenta bashkëngjitur

Të fundit