Flash News

I vuri tritol shtëpisë së oficerit, arrestohet 32-vjeçari në Shkodër

Temperaturat nën zero, si parashikohet moti në fundjavë

Sulmohet me armë zjarri makina e policisë në Veri të Kosovës

Analiza e BIRN: Aventura shqiptare e kryeagjentit të FBI

Porti i Durrësit/ Várhelyi i shqetësuar: Duhet transparencë, ndaj e anuluam grantin

Ditari i Maxhorancës

A u njoftua Bashkia Shkodër për rrezikun nga përmbytjet? Ministria e Mbrojtjes sqaron për herë të parë në Politiko

Politiko 2 Dhjetor 2022, 13:14

A u njoftua Bashkia Shkodër për rrezikun nga përmbytjet?

Shirat e dendur të një jave më parë shkaktuan përmbytje në disa zona të vendit, ku më kritike situata paraqitej në Shkodër dhe Lezhë.

Opozita deklaroi se shkak për përmbytjet e tokave bujqësore dhe banesave në këto zona, u bë hapja e portave të HEC-eve pa njoftuar autoritetet vendore.

Kryebashkiaku i Shkodrës, Bardh Spahia, deklaroi para medieve se qeveria dhe KESH nuk e kishin njoftuar për shkarkimet e digave që u bënë gjatë natës.

Politiko kontaktoi me Ministrinë e Mbrojtjes, e cila i është përgjigjur për herë të paë akuzave të opozitës.

Në reagimin për Politiko, ‘Mbrojtja’ thotë se njoftimi për përmbytjet iu është dërguar autoriteteve paraprakisht nga instancat përkatëse.

“Njoftimi për përmbytjet është dërguar në datën 18.11.2022 dhe janë njoftuar autoritetet përkatëse si ZOS (Zyra Operacionale e Situatës), Zëvendës Kryeminstri, Prefekturat, Bashkitë dhe përgjegjësit e Mbrojtjes Civile në prefektura dhe në bashki”, pohon ministria.

Sa i përket akuzave se hapja e digave u bë shkak për përmbytjet, ministria thotë se “reshjet e rëna në këtë periudhë në Rajonin e Kuksit, Shkodrës dhe Lezhës, kanë qene dy fishi i normales së një muaji, rregjistruar nga stacionet hidro-meteorologjike”.

Të fundit