Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Arrestimet për sterilizimin, Rama ngre në “piedestal” SPAK-un, asnjë fjalë për mashtrimin me koncesionin

Politiko 18 Gusht 2023, 10:32

Arrestimet për sterilizimin, Rama ngre në “piedestal”

Kryeministri Edi Rama ka reaguar pas arrestimeve të ish-zyrtarëve të Ministrisë së Shëndetësisë, në kuadër të hetimeve për koncesionin e sterilizimit.

Në një reagim në Twitter, që në fakt është më shumë një "reklamë falas për SPAK-un dhe GJKKO-në, Rama shkruan se nuk do ta pengojnë drejtësinë kudo që të hyjë, madje edhe nëse troket në dyert e qeverisë.

Kryeministri zgjedh të mos mbajë asnjë përgjegjësi mbi veten, duke ia atribuar fajet të gjithë ish-zyrtarëve që sikurse thotë shpesh "shkelin në dërrasë të kalbur".

"Disa flasin sot sikur SPAK-u është dallga e Zotit dhe qeveria porti i Djallit. Po ata harrojnë se dallgën e drejtësisë e ka ngritur në krye të herës guximi, vullneti dhe ambicia për Shqipërinë e pikërisht kësaj qeverie, e cila ndryshon si dita me natën me ato të mëparshmet e 100 vjetëve pengmarrje të drejtësisë. Kjo qeveri dhe askush tjetër e hapi me gjoks rrugën e drejtësisë së re dhe kurrë nuk do ta pengojë drejtësinë në rrugën e vet, kudo ku ajo të hyjë, brenda qeverisë, rrotull saj, mbrapa saj apo nën ombrellën e saj", shkruan Rama në Twitter.

Si gjithmonë, kryeministri nuk harron të flasë me pathos për punën e SPAK, që i duket çudi të vijojë hetimet edhe në sezon pushimi.

"Puna e pandërprerë e SPAK-ut dhe GjKKO edhe në gusht meriton respekt e falenderime! Me këtë rast le të rikujtojmë  kush e premtoi, filloi dhe mundësoi Reformën në  Drejtësi, pas një kohe të gjatë lëngimi të Shqipërisë në batakun e padrejtësisë, kur askush s’kishte guxim as ta mendonte, jo ta bënte drejtësinë të pavarur nga qeveria.

SPAK-u dhe Byroja Kombëtare e Hetimit nuk ranë nga qielli, po erdhën në jetë si shprehje e vullnetit të sinqertë e të palëkundshëm shtetndërtues. Nuk ishin fjalë të bukura si ato të 100 vjetëve të shkuara me radhë, kur unë dhe Partia Socialiste iu zotuam popullit shqiptar, se do të ndërtojmë një drejtësi të re, të pavarur, europiane, që do t’i japë fund kancerit të pandëshkueshmërisë. Kjo drejtësi sot ka lindur e po rritet përditë, sepse Partia Socialiste e Shqipërisë mbajti zotimin e saj më solemn e më të vështirë për të realizuar, përballë 100 viteve përqeshjeje me drejtësinë në historinë e shtetit shqiptar, kur nuk u prek kurrë dot nga drejtësia asnjë individ i pushtetshëm apo i lidhur me pushtetin, ku drejtësia ishte një shëmtirë e fortë me të dobëtit dhe e dobët me të fortët", shkruan kryeministri.

Të fundit