Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Arrestimi i Lefter Kokës, Rama: Kush shkel në dërrasë të kalbur duhet të përballet vetë

Politiko 17 Dhjetor 2021, 21:28

Arrestimi i Lefter Kokës, Rama: Kush shkel në dërrasë

Kryeministri Edi Rama ka folur mbi arrestimin e ish ministrit të Mjedisit, Lefter Koka për përfshirjen e tij në korrupsion lidhur me inceneratorin e Elbasanit.

I ftuar në Zonë e Lirë, Rama tha se përgjegjësia e çdo personi që është në krye të një detyre, është individuale.

“Në momentin kur drejtësia i kërkon hesap dikujt nga ne ai duhet të marrë avokat dhe të përballet me drejtësinë. Ne nuk jemi zyrë avokatie. Çështjet me drejtësinë janë individuale dhe jo çështje partiake. Sa kohë ballafaqimi me drejtësinë vazhdon, ai që thirret në ballafaqim nuk ka punë me Partinë Socialiste”, u shpreh Rama.

E kam bërë të qartë që në fillim që punët e skuadrës janë punët e secilit prej jush. Kush shkel në dërrasë të kalbur duhet të përballet vetë. Këtu ajo që vlen nga ana tjetër është që sjellja e gabuar, korruptive apo kriminale ose sjellja e cila provohet nga drejtësia se është në rregull nuk ka lidhje fare me faktin që projekti për ndërtimin e këtyre impianteve ka shpëtuar Elbasanin, Tiranën dhe ka hapur edhe rrugën për shpëtimin e Fierit.

Këto qytete që ishin gangrena…edhe Tirana ka filluar. Projekti i Tiranës është projekt, ka filluar përpunimi dhe grumbullimi. Të gjitha këto janë asete që janë aty. Janë vepra që janë aty. Kush ka bërë zullum e ka bërë individual, edhe individualisht duhet të përgjigjet”, u shpreh Rama.

Kryeministri tregoi edhe shprehjen që përdor sa herë ulet në mbledhjen e qeverisë.

“Unë sa herë që ulem në mbledhjen e qeverisë, sidomos në fillim kam një shprehje, “vendet ku jeni ulur ua kanë dhënë, tani duhet t’i mbani”. Këtë vend ta japin dhe duhet ta mbash. E mban me punë dhe me rezultate. E kam thënë publikisht që në momentin që drejtësia i kërkon hesap dikujt ndër ne ai duhet të marrë avokat. Ne nuk jemi zyrë avokatie dhe çështjet me drejtësinë janë individuale, nuk janë çështje politike, as kolektive, as partiake. Për sa kohë ballafaqimi me drejtësinë vazhdon, ai që thirret në ballafaqim nuk ka punë me PS”, tha Rama.

Të fundit