Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Balla: Nuk pres të hiqet vetoja bullgare as në 2022, plani A i Shqipërisë është anëtarësimi

Politiko 1 Nëntor 2021, 11:17
Balla: Nuk pres të hiqet vetoja bullgare as në 2022, plani A i
Në foto/ Taulant Balla

Kreu i Grupit Parlamentar të Partisë Socialiste Taulant Balla ka folur për integrimin evropian të Shqipërisë, në ceremoninë e hapjes së Shkollës së Integrimit Evropian 2021.

Balla e tha hapur se nuk pret që Bullgaria dhe Maqedonia e Veriut ta zgjidhin konfliktin mes tyre as në vitin 2022. Ai theksoi se si Shqipëria ashtu edhe Maqedonia e Veriut nuk duhet të mbeten peng i këtij ngërçi.

Balla shtoi se për Shqipërinë plani A është anëtarësimi në familjen evropiane duke theksuar se për çështjen e zgjerimit duhet të gjendet një konsensus në mënyrë që të zhbllokohet rruga për Shqipërinë dhe RMV-në.

“Nuk ka asnjë dyshim që ne në një moment të caktuar do të jemi anëtarë të BE sepse jo vetëm për ne nuk ka zgjidhje tjetër dhe nuk ka plan B, gjithmonë plani A i yni është anëtarësimi në BE. Natyrshëm brenda BE ka një sistem vendimmarrës të vështirë ose shumë të vështirë. Sa kohë çështjet e politikës së jashtme apo të zgjerimit kërkojnë konsensus tërësor është e pamundur që procesi i integrimit të ecë përpara dhe teksa BE po diskuton mënyrën e vet të vendimmarrjes dhe unë besoj që të paktën për çështje të politikës së jashtme dhe të zgjerimit nuk duhet të prevalojë konsensusi total por duhet gjetur mënyra si të zhbllokohet.

Po e them troç, nuk kam ndonjë pritshmëri që Bullgaria dhe Maqedonia e Veriut të zgjidhin brenda këtij viti debatin e tyre për çështjet që secila prej palëve mund të ketë të drejtë dhe nuk na takon neve të hyjmë. Por unë nuk pres as vitin tjetër që Bullgaria dhe Maqedonia e Veriut të zgjidhin çështjen për atë të cilën kanë sot debat. A duhet të mbeten Shqipëria dhe Maqedonia e Veriut peng të kësaj çështje? Vitin tjetër mund të dalë një tjetër vend anëtar që mund të shtrojë një çështje tjetër. Ne nuk duhet të humbim për asnjë moment fokusin tonë për të çuar përpara reforma të rëndësishme, kryereforma në sistemin e drejtësisë na ka dhënë ne Shqipërisë një avantazh dhe me vende që po negociojnë ndërkohë,” tha Balla.

 

Të fundit