Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Balla: PD-LSI bllokuan votat e emigrantëve, s'e di pse kanë kaq shumë urrejtje për ta

Politiko 16 Mars 2021, 12:36

Balla: PD-LSI bllokuan votat e emigrantëve, s'e di pse kanë kaq

Teksa vota e emigrantëve po duket gjithnjë e më shumë një mision i pamundur për zgjedhjete 25 prillit, kreu i grupit parlamentar socialist Taulant Balla akuzoi për këtë gjë opozitën.

Balla deklaroi nga foltorja e Kuvendit se është dyshja PD-LSI që ka bllokuar vendimin e KQZ-së, duke shtuar më tej se nuk e di arsyen pse opozita ka shumë urrejtje për shqiptarët që jetojnë jashtë vendit

Replikës nga vendi të deputetit opozitar Selami Jenisheri, Balla iu përgjigj se PS nuk mund të marrë asnjë lloj vendimi që largon Partinë Demokratike nga zgjedhjet.

“Po kthehem tek vota e shqiptarëve që jetojnë jashtë territorit, definicioni emigrant ka rënë tashmë. 1/3 e shqiptarëve i kemi me drejtë vote. Partia Socialiste ka bërë gjithçka ka mundur për ta garantuar, në muajin janar është marrë vendimi në KQZ për ta mundësuar këtë proces. PD ka kërkuar kohë. Që ta dinë të gjithë Kuvendi i Shqipërisë nuk administron zgjedhjet, Kuvendi i Shqipërisë ka autorizuar KQZ në tre institucione për t’u marrë me këtë proces. Falë marrëveshjes së 5 qershorit, u rikthyen aprtitë në administrimin e zgjedhjeve, PD dhe LSI kanë të drejtë vendimmarrje. E them publikisht që vota e emigrantëve më 25 prill është bllokuar nga PD-LSI. Ata e kanë penguar këtë. Ajo që unë po them, unë nuk e di arsyen pse PD dhe LSI kanë kaq urrejtje për shqiptarët që jetojnë jashtë territorit. Ne kemi bërë gjithçka kemi mundur, ju falenderoj dhe juve për ndryshimin e Kodit Zgjedhor, por PD dhe LSI e kanë bllokuar përfundimisht. I ftoj qytetarët që jetojnë jashtë territorit, nëse është mundësia të vijnë të votojnë, do të ishte e vyer. Këto do të jenë zgjedhjet e fundit që politika ka vendimmarrje çështje zgjedhore. Ajo që dua t’iu them është se nuk marrim vendime që largon PD nga zgjedhjet. Sot që flasim PD nuk ka depozituar ende kandidatët, dimë ne që Luli del dhe thotë nuk marr pjesë në zgjedhje. Pjesëmarrja e opozitës është një domosdoshmëri. Unë njoh një person që ka kaluar në këto faza, është Ilir Meta, në fillim i iku dashuria, qetësia, tani më duket i ka ikur dhe mendja”, përfundoi Balla.

Të fundit