Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

“Balonë tabake”/ Rama sqaron deklaratën: Nuk ishte fyerje, po metaforë. Tabaku të çojë faktet në gjykatë

Politiko 16 Nëntor 2021, 18:18

“Balonë tabake”/ Rama sqaron deklaratën: Nuk ishte fyerje,

Teksa seanca e fundit u kritikua për degradimin e fjalorit dhe gjestet ‘e dhunshme’ ndaj grave, kryeministri Edi Rama ka bërë një deklaratë për të sqaruar akuzat e hedhura edhe nga nënkryetarja e Partisë Demokratike Jorida Tabaku.

Deklarata që ngjalli debate duke u marrë në mënyrë indirekte si fyerje ndaj Tabakut, ishte çasti kur Ram iu drejtua Bashës duke i thënë: “Ja pra se unë po t’i tregoj shifrat. Nëse nuk i di ti, pyet atë që ke si balonë tabake. Po ç’keni më, se të jesh balonë tabake ku ma gjen, është gjë e mirë. Është balona tauke ajo që s’bën.”

Rama sqaroi deklaratën e tij duke u shprehu se nuk ishte fyerje, por vetëm një metaforë. Teksa renditi akuzat që Tabaku i ka drejtuar kryeministrit, Rama e ftoi Tabakun t’i paraqesë faktet që ka në gjykatë për të provuar akuzat.

“Ndihem i detyruar të bëj një ndërhyrje tani që seancës po i vjen fundit. Kjo seancë, ndoshta më e rëndësishmja në vitin parlamentar nuk u karakterizua në debate mbi buxhetin, por do të mbahet mend për disa kohë për degradimin e rëndë të gjuhës. Mqs për këtë degradim u mor një zanafillë nga fjala ime, e ndjej për detyrë që të sqaroj dhe për opinionin publik se e zbardhur literalisht ajo që thashë, fjala ime ishte si më poshtë. Pyet atë që ke në krah, se ajo ti jep shifrat, megjithëse ti jep si balon tabake. Mua më kujton një moment tek filmi “Il Postino”, ku nëna i qahet fshatit se postieri kishte turbulluar vajzën me metaforat. Ndërkohë është e paimagjinueshme që teksa një metaforë kthehet në një akuzë, vazhdon një lumë balte. Duke qenë se kjo nisi me zonjën Tabaku e cila pas kësaj bëri dhe një replikë ku metaforën time që kishte lidhje me shifrat si balon tabake, pra shifrat si balon tabake, gjë që e kthjellova dhe më tutje duke thënë që është roli më prezentabël i balonës dhe duke qenë se edhe më tutje zonja Tabaku u ankua para Kuvendit se qenka një trend, kam ardhur këtu në një prej vendimeve të gjykatës, një prej tyre që ka të bëjë pikërisht me zonjën Tabaku dhe e kam sjellë këtu për të thënë se ka një ndryshim shumë të madh mes retorikës, metaforave dhe mes sharjeve, shpifjeve apo akuzave me sfond për individin. Janë ndryshime shumë të mëdha sepse përndryshe kthehemi në kohëra shumë të errëta kur njerëzit gjykoheshin. Në një rast konkret citoj zonjën Tabaku: “Gënjen në shumicën dërrmuese saqë është e vështirë të ndash fiksionet e një njeriu të zënë në barrën e korrupsionit, krimit të organizuar dhe shkatërrimit të saj. Më pas, pikat e basteve dhe kazinove janë drejtuar nga njerëz të tillë dhe jo vetëm nuk kanë ngritur gishtin”, ky jam unë prap dhe me radhë të tjera. Ky është problem me komunikimin, me metaforat dhe me akuzat të cilat pretendojnë të jenë të ngritura mbi fakte. Për të gjithë këtë çarçaf që nuk po e shtrij këtu para jush të gjithin, e kam ftuar Tabakun të çojë në gjykatë një fakt të vetëm për të provuar të gjithë këto akuza”, tha Rama.