Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Beqaj kritika PS-së: 70 mln USD të shqiptarëve po shiten në mënyrë të gënjeshtërt!

Politiko 3 Dhjetor 2020, 15:05
Beqaj kritika PS-së: 70 mln USD të shqiptarëve po shiten në
Në foto: Ish-Ministri i Shëndetësisë, Ilir Beqaj, në Kuvend

Ish-Ministri i Shëndetësisë, Ilir Beqaj, ka reaguar ashpër ndaj qeverisë Rama referuar projektligjit të ri për çmimin e naftës, por edhe disa shërbimeve mjekësore që presupozohet të ofrohen ‘falas’ për qytetarët, por që në realitet nuk ndodhë.

Beqaj tha se nëse 5% e pompave do të jenë gabim, kjo do të thotë që 70 milionë dollarë të shqiptarëve shiten në mënyrë të gënjeshtërt.

Sipas ish-ministrit, kostot e projektit i kanë vetë vetë ministrat, pasi projekti i qeverisë nuk flet fare për kosto.

“Flas sot jo vetëm si politikan, por flas si djalë nëne, si burrë bashkëshorteje dhe si baba vajze. Në krahasim me para 8 vjetësh, zbulimi i hershëm i kancerit të gjirit është falas, radioterapia është falas, kimioterapia është falas. Unë nuk kam turp të ripërsëris sot këto gjëra. Të vijmë te ligji, por meqë ministrja shprehu disa habi, më duhet të them se edhe sot nuk i keni kuptuar propozimet e qeverisë. Nëse flasim për konsumatorët, çfarë do të thotë që 5% e pompave të jenë gabim? Do të thotë që 1 në 20 persona e marrin gabim atë që paguajnë, do të thotë që 70 milionë dollarë të shqiptarëve sot shiten në mënyrë të gënjeshtër. Cdo biznes nafte, cdo avokat i këtij biznesi, ta ulë defektin nën 5%, le ta ulin vetë.

Kostot i keni ju, jepjani vetë me sa lekë të doni. Se ligji dhe as projekti që ka sjellë qeveria nuk flasin fare për kosto. Është e domosdoshme që dixhitalizimin ta shtrijmë në të gjithë jetën tonë. Po të ishte për mua, e vija që dje matjen inteligjente. Si qenka kosto shtesë matja e ujit smart? Nuk është kështu, se ndryshe bota nuk do ta bënte. E dimë që ka kosto, e dimë që interneti kushton, por e kemi të provuar edhe në rastin e pandemisë se investimi në informatik është vendimi i duhur, që duhet ta shtrijmë në cdo qelizë të jetës sociale.

Nuk mund të rri pa thënë dhe mendimin e fundit që i heq 3 taksa naftës së fermerëve, nuk i heq vetëm akcizën. Kam dëgjuar kolegë të mi që thonë 70 mijë a 80 mijë, jo! Ne nuk kemi vënë tavan, cdo fermer po të ketë nipt bujrum le të vijë. Ne mendojmë që vitin e ardhshëm do të jenë rreth 115 mijë hektarë që do të marrin naftën pa taksa”, tha Beqaj.

Të fundit