Flash News

Aksident te "Shkalla e Tujanit", kamioni përmbyset në mes të rrugës, plagoset shoferi

By pass-i i Vlorës, zvarritje punimesh dhe rritje kostosh

Milan pritet të heqë dorë nga transferimi i Granit Xhakës

Inceneratori jashtë funksionit, përfshihet nga flakët fusha e mbetjeve në Elbasan

Aksident në aksin Lezhë-Shëngjin, një i plagosur

Ditari i Maxhorancës

Ditëlindja e Bes Kallakut me 30 vetë, Rama: Spektakël i pështirë dhe shembulli më skandaloz i shkeljes së ligjit nga Presidenti dhe zonja e parë

Politiko 24 Nëntor 2020, 12:14
Ditëlindja e Bes Kallakut me 30 vetë, Rama: Spektakël i
Në foto: Kryetarja e LSI, Monika Kryemadhi dhe Presidenti Meta në ditëlindjen e Bes Kallakut

Kryeministri Rama ka reaguar ashpër pas thyerjes së masës për grumbullimin e jo më tepër se 10 vetave nga presidenti Meta dhe Monika Kryemadhi, me prezencën e tyre në festën e ditëlindjes së aktorit të humorit Bes Kallaku.

Sipas Ramës ajo ishte një spektakël i pështirë, dhe çifti Meta - Kryemadhi dhanë shembullin më skandaloz të shkeljes së ligjit.

 “Nuk i vendos unë masat, por Komiteti Teknik i Ekspertëve. Po ashtu, as nuk e monitoroj zbatimin e masave, ka institucione për këtë. Kështu që më duket e pamundur t’i përgjigjem pyetjes.

Kuptohet se si të gjithë të tjerët edhe unë kam parë atë që nuk do të doja të shihte askush, shembullin më skandaloz të shkeljes së ligjit nga Presidenti i Republikës, zonja e parë dhe e gjithë çeta e tyre.

Ndërkohë që është shumë e qartë për të gjithë se nuk mund të ketë grumbullime me më shumë se 10 persona dhe nuk mund të bëhen festa e dasma deri te ceremoninë e dhimbshme mortore, këta na shfaqen në një shfaqe të pështirë.

Këtë kam parë asgjë tjetër. Shëndeti është më i rëndësishmi mbi të gjitha. S’ka asnjë aktivitet tjetër as politik përfshirë dhe ata elektoralet që mund të diskutohen me një rëndësi që vë në diskutim shëndetin.

Për më tepër që nuk jemi në fushatë elektorale, s’kemi ndërprerë asnjë aktivitet elektoral. Kështu që nëse realizojmë sa më pak takime të jetë e mundur, të mos kishte fare do të ishte më mirë, dhe reduktojmë aktivitetet me pjesëmarrjen e më shumë personave, kjo është gjë e mirë.

Të gjithë duhet të bëjmë çmos për të shmangur maksimalisht daljet e panevojshme nga shtëpia. Nëse shmang kafet e daljet për drekat e darkat, do të ishte një gjë e mirë që edhe spitalet të mos ndeshen pa pritur e pa kujtuar me një dyndje pacientësh”, tha Rama.

Referuar thirrjeve të opozitës për rritjen e numrit të testeve, Rama zgjodhi të mos prononcohej më për një gjë të tillë. Sipas kryeministrit, çështja e testeve është bërë banale dhe nuk është i interesuar.

“Përsa u përket testeve unë nuk flas më për teste. është bërë një teatër i shëmtuar banal. Diskutimet për teste janë bërë më tepër për kafe dhe jo për mua që nuk jam ekspert dhe as më interesojnë”, tha Rama.

Të fundit