Flash News

Aksident tragjik në Fushë-Prezë, humbin jetën 4 të rinj pas përplasjes me betonieren

Zelenskyy reagon pas telefonatës me Trump: Bisedë pozitive dhe e sinqertë

Përfundon telefonata me Zelenskyy-n, Trump: Jemi në rrugën e duhur

Zjarr në Lezhë/ Flakët kërcënojnë banesat pranë nënstacionit elektrik

Yuri Kim shkarkohet: I japin rolin e ‘këshilltares’, e pakënaqur po sheh për ‘opsione të tjera'

Ditari i Maxhorancës

Do kërkojë Shqipëria anëtarësimin e Kosovës në NATO? Ja si përgjigjet Rama

Politiko 22 Nëntor 2023, 12:56

Do kërkojë Shqipëria anëtarësimin e Kosovës

Kryeministri Edi Rama, në fjalën e tij në konferencën e përbashkët në Shkup me shefin e NATO-s, Jens Stoltenberg dhe liderët e rajonit, theksoi se Shqipëria është e bindur që Kosova duhet të ndihmohet që të përshpejtojë integrimin e saj në NATO.

“Kahja euroatlantike e Kosovës është jashtë çdo diskutimi, ndërsa hezitimi për ta njohur nga vendet e BE-së dhe NATO-s janë jehonë e një të shkuare që është gjithnjë e më pak relevante me të tashmen që ka sjellë sfida dhe kërkon më tepër unitet dhe vështrim strategjik” – tha Rama.

Rama tha se paqja mes Kosovës dhe Serbisë mund të arrihet vetëm përmes dialogut të ndërmjetësuar nga Bashkimi Europian.

“S’duhet harruar se paqja në rajon është e çmuar dhe pse me brishtësinë e vet. Forcimi është objektiv stërategjik i të gjithëve dhe të mos harrojmë që jemi rajon multietnik, multifetar dhe ndikimet negative të konflikteve s’janë të përjashtuara nga rajoni, kështu që të gjithë së bashku duhet të bëjmë çmos që mos të bëjmë hapa mbrapa. Kujtojmë që kemi një të shkuar me plagë, gjak dhe dhimbje. Nuk kemi qenë kurrë më mirë se sot, por nesër duhet të jemi shumë më mirë se sot nëse s’duam që e nesërmja të jetë e djeshmja,” – tha kryeministri Rama.

Të fundit